ހުޅުމާލެ ދެވަނަ ފިޔަވަހީގައި މީގެކުރިން ހިނގި އެކްސިޑެންޓެއްގައި އަނިޔާވި ޒުވާނަކު މަރުވެއްޖެއެވެ.

ހދ. ނެއްލައިދޫ އަށް އުފަން އަހްމަދު ޒައިން މަރުވީ އެކްސިޑެންޓުގައި ލިބުނު އަނިޔާތަކަށް ފަރުވާ ހޯދަމުން ދަނިކޮށެވެ.

އޭނާ އަށް ފުރަތަމަ ފަރުވާ ދިނީ ހުޅުމާލެ ހޮސްޕިޓަލުގައެވެ. ފަހުން އޭނާ އައިޖީއެމްއެޗަށް ބަދަލުކޮށް ވެންޓިލޭޓަރުގައި ބާއްވައިގެން ދިޔައީ ފަރުވާ ދެމުންނެވެ.

އުމުރުން 20 އަހަރުގެ ޒައިންގެ މައްޗަށް ކުރެވޭ ކަށުނަމާދު މިރޭގެ ފަތިސް ނަމާދަށް ފަހު އޮންނާނެއެވެ.