އުތުރުގެ ރަށެއްގައި 14 އަހަރުގެ އަންހެން ކުއްޖަކަށް ޖިންސީ ގޯނާކުރި މައްސަލައެއް ފެންމަތިވެއްޖެއެވެ.

ފުލުހުންގެ މީޑިއާ އޮފިޝަލަކު "ހަތާވީސް" އަށް މިއަދު ވިދާޅުވީ (ހއ. ހދ. ށ. އަތޮޅު)ގެ ރަށްތައް ހިމެނޭ ރަށެއްގައި 14 އަހަރުގެ ކުޑަ އަންހެން ކުއްޖަކަށް ޖިންސީ ގޯނާކުރި މައްސަލައެއް މިދިޔަ މަހުގެ 29ވަނަ ދުވަހު ފުލުހުންނަށް ހުށަހަޅާފައިވާ ކަމަށެވެ.

އެ މައްސަލަ ފުލުހުން ބަލަމުން އަންނަ ކަމަށް ވެސް އޮފިޝަލް ވިދާޅުވިއެވެ. އިތުރު ތަފްސީލެއް ނުދެއެވެ. ޖެންޑާ މިނިސްޓްރީގެ އޮފިޝަލަކު މި ނޫހަށް މިއަދު ވިދާޅުވީ އެފަދަ މައްސަލައެއް ހުށަހެޅިގެން އެ މިނިސްޓްރީން އެޓެންޑުވެފައިވާ ކަމަށެވެ.

ދާދިފަހުން ދެކުނުގެ ރަށެއްގައިވެސް 13 އަހަރުގެ ކުޑަ އަންހެން ކުއްޖަކަށް ޖިންސީ ގޯނާކުރި މައްސަލައެއް ވަނީ ފެންމަތިވެފައެވެ.