އއ. ރަސްދޫ ޕޮލިސް ސްޓޭޝަންގައި ފުލުހުންގެ ބަންދުގައި ހުއްޓާ ފިލި މީހާ ހޯދުމަށްފަހު، ފުލުހުންގެ ބެލުމުގެ ދަށަށް ގެނެސްފިއެވެ.

ފުލުހުންގެ ބަންދުގައި ހުއްޓާ ފިލައިގެން ދިޔައީ ޝަރީއަތް ނިމެންދެން ބަންދުކޮށްފައި ހުރި އއ. ހިމަންދޫ/ދަބުގެ ހުސައިން ޝަހުބާނެވެ.

އޭނާގެ ވަނަވަރާއި ފޮޓޯ ފުލުހުން އާއްމުކުރީ މިއަދު ހަވީރުގެ ވަގުތެއްގައެވެ.

މީޑިއާތަކަށް ފުލުހުން މިރޭ ފޮނުވި މެސެޖެއްގައި ބުނީ ޝަހުބާން ފެނުނީ ރަސްދޫއާ ކައިރީ އޮންނަ ރަށެއްގެ ފަޅުތެރެއިން ކަމަށެވެ. އަދި އޭނާގެ ހާލު ރަނގަޅު ކަމަށާއި އޭނާ މިހާރު ހުރީ ފުލުހުންގެ ބެލުމުގެ ދަށުގައި ކަމަށް ފުލުހުން ބުންޏެވެ.

ފުލުހުން ވަނީ ޝަޙްބާންއާ ގުޅޭ މައުލޫމާތު ހިއްސާ ކުރުމަށް އެދި ސޯޝަލް މީޑިއާގައި ކުރި ޕޯސްޓް ޝެއާކޮށްދެއްވި އެންމެހައި ފަރާތްތަކަށް ޝުކުރު އަދާކޮށްފައެވެ.