ކްރިމިނަލް ކޯޓުގެ ގާޒީގެ މަގާމުގައި ހުންނެވި ހަސަން ސައީދު ފަނޑިޔާރުކަމުން ރިޓަޔާ ކުރައްވައިފިއެވެ.

ޖުޑީޝަލް ސާވިސް ކޮމިޝަން (ޖޭއެސްސީ) އިން މިއަދު ބުނީ ޝަރުއީ ދާއިރާގައި 21 އަހަރުގެ ދިގު މުއްދަތެއްވަންދެން ހިދުމަތް ކުރެއްވުމަށްފަހު ގާޒީ ހަސަން ސައީދު މިއަދު ރިޓަޔާ ކުރައްވާފައިވާ ކަމަށެވެ.

ގާޒީ ހަސަން ސައީދު ރިޓަޔާ ކުރައްވާފައި މިވަނީ އޭނާގެ ގިނަ މައްސަލަތަކެއް ޖޭއެސްސީން ބަލާ ފިޔަވަޅު ވެސް އަޅާފައެވެ.

ކްރިމިނަލް ކޯޓުގެ ގާޒީ ކަމަށް ހަސަން ސައީދު ކްރިމިނަލް ކޯޓަށް ބަދަލު ކުރުމުގެ ކުރިން އޭނާ ހުންނެވީ ފެމެލީ ކޯޓުގެ ގާޒީކަމުގެ މަގާމުގައެވެ.