ސަރުކާރުގެ އެންމެ ބޮޑު ވިޔަފާރި ކުންފުނި އެސްޓީއޯގެ މެނޭޖިން ޑިރެކްޓަރުގެ މަގާމަށް ސައީދު އައްޔަން ކުރައްވައިފިއެވެ.

ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން މިއަދު ބުނީ ސްޓޭޓް ޓްރޭޑިން އޯގަނައިޒޭޝަން ޕލކ.ގެ ޑިރެކްޓަރުންގެ ބޯޑުގެ މެންބަރުކަމަށާއި މެނޭޖިން ޑިރެކްޓަރުކަމުގެ މަގާމަށް މއ.ކޮށީގެ، ސައީދު އައްޔަން ކުރައްވާފައިވާ ކަމަށެވެ.

ސައީދު އެ މަގާމަށް އައްޔަން ކުރެއްވުން އޮތީ ފިނޭންސް މިނިސްޓްރީގައި އެކަމަށްޓަކައި އޮތް ހާއްސަ ރަސްމިއްޔާތެއްގައެވެ. މަގާމުގެ ލިޔުން ސައީދާ ހަވާލުކުރެއްވީ ލިޔުން ހަވާލުކުރެއްވީ ޕްރައިވަޓައިޒޭޝަން ބޯޑުގެ ރައީސް އާސިމް މުހައްމަދެވެ.

[caption id="attachment_49713" align="alignnone" width="1024"] އެސްޓީއޯގެ އެމްޑީގެ މަގާމަށް ސައީދު އައްޔަން ކުރުމަށް ބޭއްވި ރަސްމިއްޔާތުގައި މަގާމުގެ ލިޔުން ސައީދަށް (މ) ޕީސީބީގެ ރައީސް އަރުއްވަނީ ---[/caption]

އެސްޓީއޯގެ އެމްޑީގެ މަގާމަށް އައްޔަން ކުރެއްވުމާއި ހަމައަށް ސައީދު ހުންނެވީ މޯލްޑިވްސް ސްޓޭޓް ޝިޕިން ކުންފުނީގެ އެމްޑީގެ މަގާމުގައެވެ.

އެ މަގާމަށް ސައީދު އައްޔަން ކުރެއްވީ ކުރިން އެ މަގާމުގައި ހުންނެވި ހުސައިން އަމްރު މަގާމުން ވަކި ކުރެއްވުމުންނެވެ.