ރައީސް އިބްރާހީމް މުހައްމަދު ސޯލިހްގެ ރިޔާސީ ދައުރުގައި ރައްޔިތުންނަށް ބޭނުންވާ އަސާސީ ހިދުމަތްތައް ފޯރުކޮށްދީ ރާއްޖެ ތަރައްގީ ކޮށްދެއްވާފައިވާ ކަމަށް ވިދާޅުވެ ޖުމްހޫރީ ޕާޓީގެ ކައުންސިލުން، އެމްޑަބްލިއުއެސްސީގެ އެމްޑީ ހަސަން ޝާހް އިސްތިއުފާ ދެއްވައިފިއެވެ.

މިއީ ޖޭޕީ އަށް ނިސްބަތްވާ ސަރުކާރު ކުންފުންޏެއްގެ އިސްވެރިޔަކު އިސްތިއުފާ ދެއްވި ދެވަނަ ފަހަރެވެ. މިރޭގެ ވަގުތެއްގައި އެމްޓީސީސީގެ ސީއީއޯ އާދަމް އާޒިމް ވެސް ވަނީ ޖޭޕީގެ ލީޑަރު ގާސިމް އިބްރާހީމްގެ އެޑްވައިޒަރުގެ މަގާމުން އިސްތިއުފާ ދެއްވައިފައެވެ.

https://twitter.com/hassanshaahu/status/1641493548880265216?s=46&t=M9M5hUKhSMLW6TzFVtCYOQ

ޖޭޕީގެ ލީޑަރަށް ޝާހް ފޮނުއްވި ސިޓީއެއްގައި ވިދާޅުވީ މިއަހަރުގެ ރިޔާސީ އިންތިހާބުގައި ރައީސް ސޯލިހަށް ތާއީދު ކުރެއްވުމަށް ނިންމަވާފައިވާ ކަމަށެވެ.

އެހެންކަމުން ޖޭޕީގެ ކައުންސިލުން އިސްތިއުފާ ދެއްވާފައިވާ ކަމަށް އޭނާ ވިދާޅުވިއެވެ.

ޝާހުގެ އިތުރުން ސަރުކާރުގެ ބައެއް އިސް މަގާމުތަކުގައި ތިއްބެވި ޖޭޕީގެ ބައެއް އެހެން މަގާމުތަކުގައި ތިއްބެވި ބޭފުޅުން އަންނަނީ މަގާމުތަކުން އިސްތިއުފާ ދެއްވަމުންނެވެ. އެގޮތުން މިއަދު ވަނީ އާޓްސް، ކަލްޗާ އެންޑް ހެރިޓޭޖުގެ ޑެޕިއުޓީ މިނިސްޓަރު ވަލީދާ ވަލީދާއި ރައީސް އޮފީހުގެ މިނިސްޓަރުގެ މަގާމުގައި ހުންނެވި އަހްމަދު ސަމީރުވެސް ވަނީ ޖޭޕީން ވަކިވެފައެވެ. އިމިގްރޭޝަންގެ ކޮންޓްރޯލާ ވެސް ވަނީ ޖޭޕީން ވަކިވެފައެވެ.