ބްރިޖު މަޝްރޫއުގެ ޕްރޮޖެކްޓް މޮނިޓަރިން ކޮމިޓީން މަސައްކަތް ކުރިޔަށްދާ ގޮތް ބަލާލައިފި

ގްރޭޓާ މާލެ ކަނެކްޓިވިޓީ ޕްރޮޖެކްޓްގެ މަސައްކަތް ކުރިއަށްދާ ގޮތް ޖޮއިންޓް ޕްރޮޖެކްޓް މޮނިޓަރިން ކޮމިޓީގެ 6ވަނަ ބައްދަލުވުން ބާއްވައިފިއެވެ.

އެ ބައްދަލުވުން ބާއްވާފައި ވަނީ މިދިޔަ ހަފުތާގައި ކަމަށް ޕްލޭނިން އެންޑް ހައުސިން މިނިސްޓްރީން މައުލޫމާތުދެއެވެ.

ހައުސިން މިނިސްޓްރީން މައުލޫމާތުދިން ގޮތުގައި އެ ބައްދަލުކުރެއްވުމުގައި ދިވެހި ސަރުކާރާއި އިންޑިއާ ސަރުކާރުގެ އިސްވެރިންނާއި އިންޑިއާގެ އެގްޒިމް ބޭންކުގެ އިސްވެރިން ބައިވެރިވެވަޑައިގެންނެވިއެވެ.

https://twitter.com/MoNPHImv/status/1640214445929660417?s=20

އަދި ބުނީ އެ ކޮމެޓީގެ މެންބަރުން މަސައްކަތް ކުރިޔަށްދާ ސައިޓަށް ވަޑައިގެން ލޭންޑް ޕިއާގެ މަސައްކަތްތަކާއި މެރިން ޕައިލިން ގެ މަސައްކަތް ކުރިއަށްދާ ގޮތް ބައްލަވާލެއްވި ކަމަށެވެ.

މި މަޝްރޫއުގެ ދަށުން ހައެއް ޕޮއިންޓު ހަތަރެއް ހަތެއް ކިލޯ މީޓަރު ދިގު ބްރިޖް އަދި ކޯސްވޭ އިން މާލެ އާއި ވިލިނގިލި ،ތިލަފުށި އަދި ގުޅީފަޅު ގުޅާނާލެއެވެ. 100 މިލިއަން ޑޮލަރުގެ ގްރާންޓް އަދި 400 މިލިޔަން ޑޮލަރުގެ ލައިން އޮފް ކްރެޑިޓްގެ ދަށުން ހިންގާ މި ޕްރޮޗެކްޓް އަކީ ރާއްޖޭގައި މިހާތަނަށް ކުރިއަށް ގެންދާ އެންމެ ބޮޑު އިންފްރާސްޓްރަކްޗާ ޕްރޮޗެކްޓު ކަމަށް ސަރުކާރުން ވަނީ މީގެކުރިން ހާމަކޮށްފައެވެ.

ހައެއް ޕޮއިންޓު ހަތެއް ކިލޯ މީޓަރު ދިގު މި ބްރިޖް/ކޯސްވޭ ލިންކްގެ ދެރަށް ދޭތެރޭ ކަނޑުގައި އަޅާ މައި ބްރިޖްތަކުގައި 140 ކިލޯ މީޓަރު ހުންނާނެއެވެ. އަދި ފުންފަޅުތަކުގައި 1.45 ކިލޯ މީޓަރަށް މެރިން ވިއާޑަކްޓް، އަދި މޫދު/ގޮނޑުދޮށުގައި 2.32 ކިލޯ މީޓަރު މެރިން ވިއާޑަކްޓް، އަދި ބިމާ އެއްހަމައެއްގައި 2.96 ކިލޯ މީޓަރުގެ މަގުހިމެނެއެވެ.