މިއަހަރު ބާއްވާ ރިޔާސީ އިންތިހާބުގައި ސަރުކާރު ހިންގާ މައިޕާޓީ އެމްޑީޕީއާއެކު ކޯލިޝަން ހަދާފައިވާ ސިޔާސީ ޕާޓީތަކާއެކު އެމްޑީޕީގެ އިސް ލީޑަރު އަދި އެޕާޓީގެ ރިޔާސީ ކެންޑިޑޭޓު، ރައީސް އިބްރާހީމް މުހައްމަދު ސޯލިހު ބައްދަލުކުރައްވައިފިއެވެ.
އެ ބައްދަލުވުމުގައި އެމްޑީޕީއާއެކު ކޯލިޝަންގައި ހިމެނޭ އަދާލަތު ޕާޓީ އިން އެޕާޓީގެ ރައީސް ޝައިޚް އިމްރާން އަދި އެމްޑީއޭގެ ލީޑަރު ސިޔާމް އަދި އޭގެ އިތުރުން އެމްޑީޕީގެ ޗެއާޕާސަން ފައްޔާޒް އިސްމާއީލް އަދި ޕީޖީ ލީޑަރު އައްޑޫ ހިތަދޫ އުތުރު ދާއިރާގެ މެންބަރު މުހައްމަދު އަސްލަމް ބައިވެރިވެ ވަޑައިގެންނެވިއެވެ.
އެމްޑީޕީއާއެކު ކޯލިޝަން ހެދުމަށް ރައީސް ސޯލިހު ވަނީ މިހާރު ސަރުކާރު ކޯލިޝަންގައި ހިމެނޭ ހުރިހާ ސިޔާސީ ޕާޓީތަކަށް ދައުވަތު ފޮނުއްވައިފައެވެ. ނަމަވެސް އެ ދައުވަތު ހަމައެކަނި ގަބޫލުކުރީ އަދާލަތު ޕާޓީންނެވެ. ސަރުކާރު ކޯލިޝަންގައި މިހާރު ހިމެނޭ ޖުމްހޫރީ ޕާޓީ އަދި އެމްއާރްއެމް އިން އެކަމުގައި އަދި ގޮތެއް ނުނިންމައެވެ.
ޖޭޕީން ވަނީ މިއަހަރުގެ ރިޔާސީ އިންތިހާބުގައި ވަކިން ވާދަ ކުރުމަށް ނިންމައިފައެވެ. އެޕާޓީން އިއްޔެ ވަނީ އެމްއާރްއެމްގެ ލީޑާޝިޕާއެކު ވެސް އިއްޔެ ބައްދަލުކޮށްފައެވެ. އަދި އެމްއާރްއެމް އާއެކު ރައީސް ސޯލިހު ވެސް ދާދިފަހުން ވަނީ ބައްދަލުކުރައްވައިފައެވެ.
އެމްޑީއޭ އިން އެމްޑީޕީއާއެކު ރިޔާސީ އިންތިހާބުގައި ކޯލިޝަން ހެދުމަށް ނިންމީ މިދިޔަ މަހުގެ 24ވަނަ ދުވަހުއެވެ. އެޕާޓީން ބުނީ ދިވެހި ރައްޔިތުންގެ ލާބައާ މަންފާއަށްޓަކައި ރާއްޖޭގެ ސިޔާސީ ހަމަޖެހުން ގާއިމު ކުރުމަށްޓަކައި، އެމްޑީޕީއާއެކު ކޯލިޝަން ހަދަން ނިންމީ ކަމަށެވެ.
ބަންކަރިންގެ ހިދުމަތް ފަށައިގަނެވުމަކީ ރާއްޖެއަށް ލިބުނު ކުރިއެރުމެއް 
މުޅި ރާއްޖޭގެ ތަރައްގީގެ ތަސައްވުރެއް އަދިވެސް އޮތީ އެމްޑީޕީގައި 
އިތުރު 50 މިލިއަން ޑޮލަރުވެސް އިންޑިއާ އިން ފަސްކޮށްދީފި 
އެސްޓީއޯގެ އަމާޒު: ލަގްޒަރީ އުޅަނދުތަކަށް ބަންކަރިންގެ ހިދުމަތް ދިނުން 
ސެލޫންތަކާއި ސްޕާތަކަށް ހާއްސަ އޮޕަރޭޝަނެއް ފަށައިފި 
އިޔާޒްގެ އަނބިކަނބަލުން ބަންދުކުރި މައްސަލަ ހައިކޯޓަށް 
