ރާއްޖެ އަށް ޕޯސްޓުގެ ޒަރީއާ އިން އެތެރެކުރަން އުޅުނު ގިނަ އަދަދެއްގެ މަސްތުވާތަކެތި އަތުލައިގެންފިއެވެ.

މޯލްޑިވްސް ކަސްޓަމްސް އިން މިއަދު ބުނީ އެއީ މިމަހުގެ ހަތްވަނަ ދުވަހު ޕޯސްޓު މެދުވެރިކޮށް ރާއްޖެ އައިސްފައިވާ ޕާރުސަލެއް ކަމަށެވެ. އަދި އެ ޕާރުސަލްގެ ތެރެއިން ހިކި ފަތްތަކެއް ފެނިގެން ތަހުލީލު ކޮށްފައިވާ ކަމަށް ކަސްޓަމްސް އިން ބުންޏެވެ.

ކަސްޓަމްސް އިން ބުނީ އެ ޕާރުސަލަކީ އެމެރިކާ އިން ރާއްޖެ އެތެރެ ކޮށްފައިވާ ޕެކޭޖެއް ކަމަށެވެ.

ފުރަތަމަ މަރުހަލާގައި އެތަކެތި ޓެސްޓު ކުރުމުން މަސްތުވާތަކެތީގެ ބާވަތެއް ކަމަށްވާ ކެނަބިސް އަށް އެތަކެތި ޕޮޒިޓިވްވެފައިވާ ކަމަށް ވެސް ކަސްޓަމްސް އިން މައުލޫމާތުދެއެވެ.

އެތަކެތީގެ ބަރުދަނުގައި 120 ގްރާމު ހުރިއިރު އެތަކެތީގެ މަގުމަތީ އަގު ގާތްގަނޑަކަށް 96،000 ރުފިޔާ އަށް އަށް އަރާނެ ކަމަށް ކަސްޓަމްސް އިން ބުނެއެވެ.