ދިވެހި ނޫސްވެރިކަމުގައި ގިނަ ދުވަސްތަކެއް ވަންދެން މަސައްކަތް ކުރެއްވި މުހައްމަދު ސަލީމް (ހޯރަފުށި ސަލީމް) އަށް ހާޓްއެޓޭކެއް ޖެހިގެން ފަރުވާ ދޭން ފަށައިފިއެވެ.

ރޭ ފަތިހުގެ ވަގުތެއްގައި ހާލު ސީރިއަސްވެގެން އޭނާ ވަނީ އޭޑީކޭ ހޮސްޕިޓަލަށް ގެންގޮސްފައެވެ. އަދި ސަލީމަށް ފަރުވާ ދެމުން އަންނަނީ އައިސީޔޫގައި ކަމަށްވެއެވެ.

މުހައްމަދު ސަލީމަކީ މިހިނގާ 19ވަނަ ރައްޔިތުން މަޖިލީހުހެ ހޯރަފުށީ ދާއިރާގެ މެންބަރު އަހްމަދު ސަލީމް (ސައްލެ)ގެ އެއްބަފާ ބޭބެއެވެ.

މުހައްމަދު ސަލީމަކީ ގިނަ ދުވަސްތަކެއް ވަންދެން ރާއްޖޭގައި ނޫސްވެރިކަން ކުރަމުން އައި ބޭފުޅެކެވެ. އެގޮތުން އޭނާ ވަނީ "ހަވީރު" ގެ ސަބް އެޑިޓަރުކަމާއި "މިއަދު" ނޫހުގެ އެޑިޓަރުކަން ވެސް ކުރައްވާފައެވެ.

ނޫސްވެރިކަމަށް ފަހު ސަލީމް ވަނީ ރައީސުލްޖުމްހޫރިއްޔާ ރައްޔިތުންގެ މަޖިލީހަށް އައްޔަން ކުރައްވާ 8 މެންބަރުންގެ ތެރޭގައި ހިމެނިވަޑައިގެންފައެވެ. އަދި އޭރު ރައީސް މައުމޫން އިސްކޮށް ހުންނަވައިގެން އުފެއްދި ޑީއާރްޕީގައި ވެސް ސަލީމް ވަނީ އިސް މަސައްކަތްތަކެއް ކުރައްވާފައެވެ.