ރަސްމީ ދަތުރުފުޅެއްގައި ފޮރިން މިނިސްޓަރު ޝާހިދު އިނގިރޭސިވިލާތަށް ފުރާވަޑައިގެންފިއެވެ.

އެމަނިކުފާނުގެ މި ދަތުރުފުޅަކީ ކޮމަންވެލްތް ގައުމުތަކުގެ ފޮރިން މިނިސްޓަރުންގެ ބައްދަލުވުމުގައި ބައިވެރިވެވަޑައިގަތުމަށް ކުރައްވާ ދަތުރުފުޅެއް ކަމަށް ފޮރިން މިނިސްޓްރީން ބުނެއެވެ.

އެމަނިކުފާނުގެ ދަތުރުފުޅުގައި އިނގިރޭސި ސަރުކާރުގެ ބައެއް މިނިސްޓަރުންނާއި އެކި ދާއިރާތަކުގެ އިސް ބޭފުޅުންނާއި ބައްދަލުކުރައްވާ މަޝްވަރާ ކުރައްވާ ގޮތަށް ވަނީ ހަމަޖެހިފައެވެ.

އިނގިރޭސިވިލާތަށް ޝާހިދު ވަޑައިގެންނެވިއިރު ދާދިފަހުން އެމަނިކުފާނު ވަނީ ރައީސް އިބްރާހީމް މުހައްމަދު ސޯލިހުގެ އަރިހުގައި ގަތަރާއި ޖަރުމަނުވިލާތަށް ވެސް ވަޑައިގެންފައެވެ.