ދިވެހި ރާއްޖެއިން އަލުން އީރާނާއެކު ސިޔާސީ ގުޅުން ގާއިމް ކުރުމަށް ނިންމައިފިއެވެ.

ދިވެހި ސަރުކާރުން އެގޮތަށް ނިންމާފައި ވަނީ ސައޫދީ އަރަބިއްޔާ އާއި އީރާނުން ދެގައުމުގެ މެދުގައި އަލުން ސިޔާސީ ގުޅުން ގާއިމްކޮށް ދެގައުމުގެ އެމްބަސީތައް އަލުން ހުޅުވުމަށާއި ގައުމުތަކުގެ ސިޔާދަތަށް ހުރުމަތްތެރިކޮށް ހިތުމާއި، ގައުމުތަކުގެ ދާހިލީ ކަންކަމާ ނުބެހުމާ ގުޅޭ އަސާސް އަލުން ކަށަވަރުކޮށް ސައޫދީ އަރަބިއްޔާ އާއި އީރާނާއި ޗައިނާއިން ނެރެފައިވާ ގުޅިފައިވާ ބަޔާނަށް ދިވެހި ސަރުކާރުން މަރުހަބާ ކިޔުމުގެ ގޮތުން ނެރެފައިވާ ނޫސް ބަޔާނެއްގައެވެ.

"އަދި މިހެޔޮ ބަދަލުތަކުގެ އަލީގައި ދިވެހި ސަރުކާރުން އީރާނާއެކު އަލުން ސިޔާސީ ގުޅުން ގާއިމުކުރުމަށް ނިންމައިފީމެވެ،" ދިވެހި ސަރުކާރުން ބުންޏެވެ.

އީރާނާއެކު އެންމެ ފުރަތަމަ ރާއްޖެ އިން ސިޔާސީ ގުޅުން ގާއިމްކުރީ 1975ވަނަ އަހަރުގެ ޖޫން މަހުގެ ދެވަނަ ދުވަހުއެވެ.

އެހެންނަމަވެސް އަރަބި ގަލްފު ސަރަހައްދުގެ ހަމަޖެހުމާއި ސުލްހަ ދެމެހެއްޓުމަށް 2016ވަނަ އަހަރު ދިވެހި ސަރުކާރުން އީރާނާއެކު އޮތް ސިޔާސީ