ސައުދީ ސަރުކާރުން ރާއްޖެއަށް ކޮންމެ އަހަރެއްގެވެސް ރަމަޟާން މަހާއި ދިމާކޮށް ދެމުން އަންނަ ކަދުރުގެ ތެރެއިން މިއަހަރު ރާއްޖެ އަށް 50 ޓަނުގެ ކަދުރު ރާއްޖެ އަށް ލިބޭނެ ކަމަށް އިސްލާމިކް މިނިސްޓްރީން ބުނެފިއެވެ.

އެ މިނިސްޓްރީން މިއަދު ކޮށްފައިވާ ޓްވީޓެއްގައި ބުނީ މިއަހަރު ދިވެހިރާއްޖެ އަށް 50 ޓަނުގެ ކަދުރު ލިބޭނެ ކަމަށް ސައޫދީ ސަރުކާރުން އަންގަވާފައިވާ ކަމަށެވެ. އެހެންކަމުން ކަދުރު ލިބުމުން އެ ބެހުމުގެ މަސައްކަތް ކުރިޔަށް ގެންދާނެ ކަމަށް އެ މިނިސްޓްރީން ބުންޏެވެ.

https://twitter.com/MVIaffairs/status/1632344198241488898?s=20

މި އަދަދަކީ އާއްމު ގޮތެއްގައި ސައުދީން ކަދުރު ފޮނުވާ އަދަދެވެ. ނަމަވެސް 2021ވަނަ އަހަރު ކޮވިޑްގެ ތެރޭގައި ރާއްޖެ އަށް ފޮނުވި ކަދުރުގެ އަދަދު މަދެވެ. އެފަހަރު ފޮނުވީ 25 ޓަނުގެ ކަދުރެވެ.

ދުރު ބެހުމުގެ މަސައްކަތް ކުރަމުން ގެންދާނީ އިސްލާމިކް މިނިސްޓްރީއާއި ސިޓީ ކައުންސިލް ގުޅިގެންނެވެ.