މަސްތުވާތަކެއްޗާއި ދެކޮޅަށް ފުލުހުން ހިންގި ހާއްސަ އޮޕަރޭޝަނެއްގައި ގިނަ އަދަދެއްގެ މަސްތުވާތަކެއްޗާއެކު ބަޔަކު ހައްޔަރުކޮށްފިއެވެ.

ކޮމިޝަނަރު އޮފް ޕޮލިސް މުހައްމަދު ހަމީދު މިއަދު ކުރެއްވި ޓްވީޓެއްގައި ވިދާޅުވީ ގިނަ އަދަދެއްގެ މަސްތުވާތަކެތި ރާއްޖެ އަށް އެތެރެކުރި ކަމަށް ފުލުހުންނަށް ލިބިފައިވާ އިންޓެެލިޖެންސް މައުލޫމާތުގެ މައްޗަށް މިދިޔަ ހޮނިހިރު ދުވަހު މާލޭގައި ހާއްސަ އޮޕަރޭޝަނެއް ފުލުހުން ހިންގާފައިވާ ކަމަށެވެ.

އެ އޮޕަރޭޝަނުގައި މާލޭގެ 10 ތަނެއް ބަލާ ފާސް ކޮށްފައިވާ ކަމަށް އޭނާ ވިދާޅުވިއެވެ. އެ އޮޕަރޭޝަނުގައި 4.097 ކިލޯ ހެރޮއިން ފޮރުވާފައި ހުއްޓާ ހޯދާފައިވާއިރު އެ އޮޕަރޭޝަނުގައި ފަސް މީހަކު ހައްޔަރު ކޮށްފައިވާ ކަމަށް ސީޕީ ހަމީދު ވިދާޅުވިއެވެ.

https://twitter.com/M_Hameedh/status/1633042767583784962?s=20

މީގެކުރިން ވެސް ފުލުހުން ވަނީ މަސްތުވާތަކެއްޗާއި ދެކޮޅަށް މިފަދަ ގިނަ ޑުރަގު އޮޕަރޭޝަންތައް ހިންގައިފައެވެ.