މިދިޔަ ޖެނުއަރީ މަހު ގްރީން ޓެކުހުގެ ގޮތުގައި ދައުލަތަށް 100.7 މިލިއަން ރުފިޔާ ލިބިއްޖެއެވެ.

ފިނޭންސް މިނިސްޓްރީން އާއްމު ކޮށްފައިވާ ޖެނުއަރީ މަހުގެ ގްރީން ފަންޑުގެ ރިޕޯޓުގައި ބުނެފައި ވަނީ ރިސޯޓު އަދި ގެސްޓުހައުސް ފަދަ ތަންތަނުން 99.95 މިލިއަން ރުފިޔާ ލިބިފައިވާ ކަމަށެވެ. ސަފާރީ ފަދަ އުޅަނދު ފަހަރުތަކުން 1.8 މިލިއަނަށްވުރެ ގިނަ ރުފިޔާ ލިބިފައިވާއިރު ހޯމްސްޓޭ ފަތުރުވެރިކަމުން 2.1 މިލިއަން ރުފިޔާ ލިބިފައިވެއެވެ.

އެ ރިޕޯޓުން ދައްކާ ގޮތުގައި އެންމެ ގިނައިން ގްރީން ޓެކްސް ލިބިފައި ވަނީ 37 މިލިއަން ރުފިޔާއެވެ. ދެވަނަ އަށް އެންމެ ގިނައިން ގްރީން ޓެކްސް ލިބިފައި ވަނީ އދ. އަތޮޅުންނެވެ. އެއީ 12.47 މިލިއަން ރުފިޔާއެވެ. ތިންވަނަ އަށް އެންމެ ގިނައިން ގްރީން ޓެކްސް ލިބިފައި ވަނީ ރ. އަތޮޅުންނެވެ. އެއީ 8 މިލިއަން ރުފިޔާއެވެ.
ދެހާސް ފަނަރަވަނަ އަހަރުން ފެށިގެން ގްރީން ޓެކުހުގެ ގޮތުގައި ޓެކުހެއް ނަގަން ފެށިއެވެ. ނަމަވެސް އެއީ ރިސޯޓުތަކުންނެވެ. އެގޮތުން ރިސޯޓަކުގައި ތިބޭ ފަތުރުވެރިންގެ އަތުން ރެއަކާ ދުވާލަށް ހަ ޑޮލަރު ނަގައެވެ. ނަމަވެސް ގެސްޓު ހައުސްތަކަށް އަންނަ ފަތުރުވެރިންގެ އަތުން ގްރީން ޓެކުސް ނަގަން ފެށީ 2016ވަނަ އަހަރުގެ ތެރޭގައެވެ. އަދި ގެސްޓް ހައުސްތަކުގައި ޗުއްޓީ ހޭދަކުރާ ފަތުރުވެރިން އަތުން ރެއަކާ ދުވާލަށް ނަގަނީ ތިން ޑޮލަރެވެ