ޔޫރަޕްގެ ގައުމެއް ކަމަށްވާ، ލަޓްވިއާގެ މީހަކު ދިރުވާލައިގެން ރާއްޖެ އެތެރެ ކުރަން އުޅުނީ 1.3 ކިލޯގެ މަސްތުވާތަކެތި ކަމަށް ފުލުހުން ބުނެފިއެވެ.

ފުލުހުންގެ އިންޓަލިޖެންސަށް ލިބުނު މައުލޫމާތަކާ ގުޅިގެން، ލަޓްވިއާގެ މީހާ ހައްޔަރު ކުރީ މިދިޔަ އަންގާރަ ދުވަހުއެވެ. ރާއްޖެ އައިތަނުން އޭނާ ހައްޔަރު ކުރީ އިމިގްރޭޝަން އާއި ކަސްޓަމްސް ގުޅިގެން ކުރިއަށް ގެންދިޔަ އޮޕަރޭޝަނެއްގައެވެ.

ފުލުހުން މިއަދު ބުނީ 49 އަހަރުގެ އެ މީހާގެ ހަށިގަނޑުން މަސްތުވާތަކެތި ރައްކާކޮށްފައިވާ 127 ބްލެޓް ނަގާފައިވާ ކަމަށެވެ. އޭގެ ބަރުދަނުގައި 1353 ގްރާމް (1.3 ކިލޯ) ހުރި ކަމަށް ފުލުހުން ބުންޏެވެ.

އޭނާގެ ބަންދަށް 15 ދުވަސް ކޯޓުން ވަނީ ޖަހައިދީފައެވެ.

ފުލުހުން ބުނީ އެ މައްސަލަ އިތުރަށް ތަހީގުކުރަމުންދާ ކަމަށެވެ.