މި އަހަރުގެ ހައްޖުގެ އަޅުކަން އަދާކުރުމަށް ރާއްޖޭން ސައުދީ އަރަބިއްޔާ އަށް ގޮސްފައި ތިބި ހައްޖުވެރިން އަންނަ ހުކުރު ދުވަހުން ފެށިގެން އަންނަން ފަށާނެއެވެ.

ހައްޖުވެރިން ރާއްޖެ އައުމަށް ހަމަޖެހިފައި ވަނީ ޖުމްލަ ހަތަރު ފްލައިޓެއްގައެވެ.

އެއީ ސައުދިއާ އެއާލައިންގެ ދެ ފްލައިޓާއި ގައުމީ އެއާލައިން މޯލްޑިވިއަންގެ ދެ ފްލައިޓެވެ. މި ފްލައިޓުތަކުގެ ތެރެއިން ފުރަތަމަ ފްލައިޓު މިމަހުގެ 5 ވަނަ ދުވަހު ދިވެހި ހައްޖާޖީންނާއެކު ރާއްޖެ އަންނާނެއެވެ.

މި އަހަރުވެސް ރާއްޖެ އިން ހައްޖުގެ މަތިވެރި އަޅުކަން އަދާ ކުރުމަށް 1،000 ހައްޖާޖީން ދިޔައެވެ.