ކުރީގެ ރައީސް މުހައްމަދު ނަޝީދާއި އެމްޑީޕީގެ ކުރީގެ ޗެއާޕާސަން ފައްޔާޒު އިސްމާއީލް ގުޅިގެން ދާދިފަހުން އިއުލާން ކޮށްފައިވާ "ބޮޑު ބަދަލާ"އެކު ކުރިޔަށް އޮތް ރިޔާސީ އިންތިހާބަށް ނިކުމެއްޖެ ނަމަ އިންތިހާބު ގެއްލުމުގެ ފުރުސަތު ބޮޑު ކަމަށް ހުޅުމާލެ ދެކުނު ދާއިރާގެ މެންބަރު ޑރ. އަހްމަދު ޝަމްހީދު ވިދާޅުވެއްޖެއެވެ.
އެކްސްގައި މިއަދު ކުރެއްވި ޕޯސްޓެއްގައި ޝަމްހީދު ވިދާޅުވީ އިއްޔެ ހިތުޖެހުނު ލައްކަ ބަޔަކު އެޕާޓީގައި ތިބިކަމީ މިއަދު ގަބޫލުކުރަން ޖެހޭ ހަގީގަތެއް ކަމަށެވެ. އެދުވަހު ހިތުގަޖެއްސި މީހުންގެ ފަރާތުން ބަދަލް ހިފުން އެއީ، މިރާއްޖޭގެ ސިޔާސީ އާދަކާދަ ކަމަށްވެސް ޝަމްހީދު ވިދާޅުވިއެވެ.
" ބޮޑު ބަދަލު އާއިއެކު 2028 އަށް ކުރިމަތިލައިފިނަމަ 2023 ތަކުރާރުވެ އިންތިހާބު ގެއްލުމުގެ ފުރުސަތު ބޮޑުވާނެ،" ޝަމްހީދު ވިދާޅުވިއެވެ.
އޭނާ ވިދާޅުވީ އެ ހަގީގަތް ގަބޫލުކުރާ ހާލު، އިންތިހާބެއް ކާމިޔާބުވާނީ ހުރިހާ ލީޑަރުން އެކީގައި މަސައްކަތް ކޮށްގެންކަންވެސް ގަބޫލުކުރަންޖެހޭނެ ކަމަށެވެ. ދެއަހަރާއި ބައިގައި އެޕާޓީން އަދުގެ ސަރުކާރު ހަމަ ބިމަށް ތިރިކޮށްފައިވާކަން އޭނާ ފާހަގަކުރެއްވިއެވެ.
"އެ ކާމިޔާބު ހޯދި ފޯމިއުލާ ދޫކޮށްނުލުމަށް އަޅުގަޑުމެން އެދޭތީ މީގެ ހަތަރު މަސް ކުރިން މެމްބަރު (ގަލޮޅު ދެކުނު ދާއިރާގެ) މީކާއީލް ނަސީމް އަށް ތާއީދުކޮށް މަސައްކަތްފެށީ،" ޝަމްހީދުގެ ޕޯސްޓުގައި ވިދާޅުވިއެވެ.
އޭނާ ވިދާޅުވީ އެމްޑީޕީގރ ލީޑަރުން މަޝްވަރާކޮށް، ޕާޓީ އިތުރަށް ބައިބައި ނުވާނެހެން ދާއިމީ ޗެއާޕާސަނެއްގެ މައްސަލައަށް ހައްލުހޯދަން އަދިވެސް ލަސްނުވާ ކަމަށެވެ. އެ ޕާޓީގެ އާންމު މެމްބަރުން އެދެނީ އެއްބައިވަންތަކަން ކަމަށްވެސް ވިދާޅުވިއެވެ.
ބީއެމްއެލްގެ ފިޔަވަޅަކީ ސައްހަ ގޮތުގައި ޑޮލަރު ބޭނުންކުރުން 
މީޑިއާ ވިލެޖުގެ މަސައްކަތް ޖޫން މަހަށް ނިންމަނީ 
ޔާމީނަކީ ވިސްނުންތެރި، ވިޝަނަރީ ބޭފުޅެއް: ސައީދު 
ހިތަށްވީ ތަދުގެ ބަދަލު ހޯދަން އުޅެގެން ލިބޭނެ ކުރިއެރުމެއް ނެތް 
ޕާޓީތަކުން މެންބަރުން ވަކިކުރެވޭ ބިލު ހުށަހަޅަނީ 
ތިލަމާލެ ބްރިޖުގެ ފެންވަރާއި މެދު ސުވާލު އުފައްދާނެ ޖާގައެއް ނެތް 
