މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ ޑެޕިއުޓީ ސީއީއޯގެ މަގާމަށް އިބްރާހީމް ޒިޔަތު ހަމަޖައްސައިފިއެވެ.

ޒިޔަތު ވަނީ އެމްޕީއެލްގެ ޑެޕިއުޓީ ސީއީއޯގެ މަގާމަށް ހަމަޖެއްސުމުގެ އިތުރަށް އެ ކުންފުނީގެ ބޯޑު މެންބަރުކަމުގެ މަގާމަށް ވެސް ހަމަޖައްސައިފައެވެ.

އެމްޕީއެލް އިން ވަނީ ޒިޔަތު އެކުންފުނީގެ ޑެޕިއުޓީ ސީއީއޯގެ މަގާމަށް ހަމަޖެއްސުމާއި ގުޅިގެން މަރުހަބާ ކިޔައިފައެވެ. ޒިޔަތާއެކު އެމްޕީއެލްގައި މިވަގުތު ތިން ޑެޕިއުޓީ ސީއީއޯ އިން އެބަ ތިއްބެވެ.

ޒިޔަތަކީ އެޑްމިނިސްޓްރޭޝަންގެ ދާއިރާއިން މާސްޓާސް ހައްދަވާފައިވާ ބޭފުޅެކެވެ. މީގެކުރިން އެސްޓީއޯގައި 15 އަހަރު މަސައްކަތް ކުރެއްވި ޒިޔަތަކީ ރައީސް އަބްދުﷲ ޔާމީންގެ ވެރިކަމުގައި އެމްޓީސީސީގެ ސީއީއޯގެ މަގާމު އަދާކުރެއްވި ބޭފުޅެއްވެސްމެއެވެ.