މިދިޔަ ބުރާސްފަތި ދުވަހު ގދ. ގައްދޫއިން ފުރައިގެން، އެ އަތޮޅު ގަމަށް ދިޔަފަހުން ހަބަރެއް ނުވެގެން ހޯދަމުންދިޔަ މީހާ މަރުވެފައި އޮއްވާ ފެނިއްޖެއެވެ.

މަރުވެފައި އޮއްވާ ފެނުނޫ އުމުރުން 70 އަހަރުގެ ޒަކަރިއްޔާ މުހައްމަދެވެ.

ފުލުހުން ބުނީ ޒަކަރިއްޔާގެ ހަށިގަނޑު ފެނުނީ ގަމުގެ ދެކުނު ފަރާތު އަތިރިމަތީގައި އޮއްވާ މިއަދު މެންދުރު 11:43ހާއިރު ކަމަށެވެ.

މިދިޔަ ހުކުރު ދުވަހުން ފެށިގެން ޒަކަރިއްޔާ ހޯދުމުގެ މަސައްކަތް ސިފައިންނާއި ފުލުހުން ކުރަމުންދަނިކޮށް، އޭނާ ދުއްވި ޑިންގީ ގަމާއި ގައްދޫއާ ދެމެދު ފަޅުތެރެއިން ވަނީ ނަގާފައެވެ. ޑިންގީ ނެގީ 10 މީޓަރު އަޑިންނެވެ.