ހުޅުމާލެ ފޭސް އެކެއްގައި ހުންނަ އެންސިސް ކުންފުނީގެ ގުދަނެއްގައި އަލިފާން ރޯވެއްޖެއެވެ.
އެމްއެންޑީއެފް އިން މިރޭ ބުނީ ހުޅުމާލޭ ފޭސް 1ގައި ހުންނަ އެންސިސްގެ ގުދަނުގައި އަލިފާން ރޯވެގެން އެމްއެންޑީއެފް ފަޔާ އެންޑް ރެސްކިޔު ސާވިސް އިން ހަރަކާތްތެރިވަމުން އަންނަ ކަމަށެވެ.
އެ ހާދިސާގެ މައުލޫމާތު ލިބިފައިވަނީ މިރޭ 18:48 ހާއިރު ކަމަށް ވެސް އެމްއެންޑީއެފް އިން ހާމަކުރެއެވެ.
މިވަގުތު އަލިފާންގަނޑުގެ 65 ޕަސެންޓު ނިއްވާލާފައިވާއިރު ކުރިޔަށް އޮތް ބައިގަޑިއިރެއްހާއިރު މުޅި އަލިފާންގަނޑު ނިއްވާލެވޭނެ ކަމަށް ލަފާ ކުރެވޭ ކަމަށް އެމްއެންޑީއެފް އިން ބުންޏެވެ.
ހުޅުމާލެ، ފޭސް 1، އިންޑަސްޓްރިލް ޒޯންގައި ހިނގާފައިވާ އަލިފާނުގެ ހާދިސާގެ ސަބަބުން އެ ސަރަހައްދުގައި ދުން ބޯވެ ފެތުރެމުން ދާތީ، ދުރު ފެންނަ މިންވަރު ވަނީ ދަށްވެފައެވެ.
އަދި މިހާދިސާގެ ސަބަބުން، ހާއްސަކޮށް ނޭވާލުމުގެ ދަތިކަން ހުންނަ ފަރާތްތަކަށް ސިއްހީ ގޮތުން ނޭދެވޭ އަސަރުތަކެއް ކުރުމުގެ ފުރުސަތު ވެސް އެބައޮތެވެ.
އެހެންކަމުން، ޒަރޫރީ ބޭނުންތަކުގައި މެނުވީ އެ ސަރަހައްދަށް ނުދިއުމަށާއި އެ ސަރަހައްދަށް ވަޑައިގަންނަވާ ބޭފުޅުން މަގު ބޭނުންކުރައްވާއިރު ހާއްސަ ސަމާލުކަމެއް ދެއްވުމަށް ފުލުހުން ވަނީ އެދިފައެވެ.
އަދި އެ ސަރަހައްދުގެ ކައިރި ހިސާބުތަކުގައި ދިރިއުޅުއްވައި އެންމެހައި ފަރާތްތަކުން ގޭގެ ކުޑަދޮރުތަކާއި ދޮރުތައް ލައްޕަވައި ބޭރަށް ނުކުންނަވަން ޖެހިއްޖެނަމަ މާސްކު އެޅުއްވުންފަދަ ރައްކާތެރިކަމުގެ ފިޔަވަޅުތައް އެޅުއްވުމަށް ދިވެހި ފުލުހުން ވަނީ އިލްތިމާސް ކޮށްފައެވެ.
ކެނޯއެއްގައި ނުކުތް ދިވެއްސެއްގެ ހަބަރެއް ނުވެގެން ހޯދަނީ 
ޑިންގީއެއްގައި ގައްދޫ އިން ފުރި މީހަކު ހޯދަނީ 
ހުޅުމާލޭގައި ހުންނަ އެންސިސް ކުންފުނީގެ ގުދަނުގައި ރޯވެއްޖެ 
ޔޫކޭ އާއި އީޔޫންވެސް މިފްކޯ ބްލެކް ލިސްޓެއް ނުކުރޭ: މިނިސްޓަރު 
ހައި ކޯޓަށް ދެ ފަނޑިޔާރުން ހޯދަން އިއުލާން ކޮށްފި 
ފްލެޓު ނުލިބޭ ކަމަށް ބުނާ ސިޓީގައި ސައްހަ ނޫން މައުލޫމާތު އެބަހުރި 
