ދުއިސައްތަ އަށްވުރެ ގިނަ މީހުންނާއެކު ދަތުރުކުރި އެއާ އިންޑިއާގެ މަތިންދާ ބޯޓު ވެއްޓުނު ހާދިސާއާ ގުޅިގެން ރައީސް ޑރ. މުހައްމަދު މުއިއްޒު ތައުޒިޔާ ފޮނުއްވައިފިއެވެ.
އެކްސްގައި ރައީސް ކުރެއްވި ޕޯސްޓެއްގައި މިއަދު ވިދާޅުވީ މި ދަނޑިވަޅަކީ އިންޑިއާ އަށް ދަތި އުނދަގޫ ދަނޑިވަޅެއް ކަމަށާއި މި ވަގުތުގައި އެ ގައުމާއެކު ދިވެހި ސަރުކާރު އޮންނާނެ ކަމުގެ ޔަގީންކަން އަރުވާ ކަމަށެވެ.
މި ބޯޓަކީ އަހްމަދުއާބާދުން ފުރައިގެން ލަންޑަނަށް ދަތުރު ކުރަމުންދިޔަ ބޯޓެކެވެ. ބޯޓު ވެއްޓުނީ އަހްމަދުއާބާދު ކައިރީގައި އޮންނަ މޭގާނީނަގަރު ކިޔާ ސަރަހައްދަކަށެވެ.
މި ބޯޓުން 242 މީހުން ދަތުރުކުރިއެވެ. އޭގެތެރޭގައި 169 އިންޑިއާގެ ރައްޔިތުންނާއި އިނގިރޭސިވިލާތުގެ 53 މީހުން ހިމެނެއެވެ. އަދި ޕޯޗުގަލްގެ ހަތް މީހުންނާއި ކެނެޑާއަށް ނިސްބަތްވާ މީހަކުވެސް ހިމެނެއެވެ.
މި ހާދިސާގައި މަރުވީ ކިތައް މީހުން ކަމެއް އަދި ސާފެއް ނުވެއެވެ.
ސިނަމާލެއިން ތިލަމާލެއަށް: ބިޔަ އިންޖިނިއަރިންގެ އިންގިލާބެއް 
އިންޑިއާގެ ކޮންސިއުލޭޓު އޮފީހެއް އައްޑޫގައި ގާއިމްކުރަނީ 
އިންޑިއާއާއެކު އޮތް ގުޅުން އިތުރަށް ބަދަހި ކުރާނަން: ރައީސް 
ކައުންސިލްތަކުގެ އަތުން ބިން ނަގާ އިސްލާހާ ދެކޮޅަށް ސޮއި ހަމަވެއްޖެ 
ކާރިސާތަކުގައި އެހީވުމަށް އިންޑިއާއިން ދައްކުވައިދޭ ނަމޫނާ! 
ދޯނި އަޑިއަށް ދިޔަ ފުންމިނުގައި އަސްކަރީ ސަބްމެރިންވެސް ދަތުރުނުކުރާނެ 
