މިއަހަރުގެ މިނިވަން ދުވަހުގެ ރަސްމިއްޔާތުގައި ބައިވެރިވެވަޑައިގަތުމަށް އިންޑިއާގެ ބޮޑުވަޒީރު ނަރެންދުރަ މޯދީ ވަޑައިގަންނަވާ ގޮތަށް ހަމަޖެހިފައިވާ ކަމަށް އިންޑިއާގެ ނޫސްތަކުގައި ރިޕޯޓުކޮށްފިއެވެ.
އިންޑިއާގެ ނޫސްތަކުގައި ބުނެގައި ވަނީ އެ ދައުވަތު އެރުއްވީ ފޮރިން މިނިސްޓަރު ޑރ. ހަލީލް އިންޑިއާ އަށް މިދިޔަ ހަފްތާ ބަންދުގައި ކުރެއްވި ދަތުރުފުޅުގައި ކަމަށެވެ. ނަމަވެސް އަދި މޯދީ ވަޑައިގަންނަވާނެ ސީދާ ތާރީހެއް ކަނޑައަޅާފައި ނުވެއެވެ.
މިއަހަރަކީ ރާއްޖެ އާއި އިންޑިއާގެ ހާރިޖީ ގުޅުމަށް 60 އަހަރު ފުރޭ އަހަރެވެ.
މިދިޔަ އަހަރުގެ އޮކްޓޫބަރު މަހު ރައީސް ޑރ. މުހައްމަދު މުއިއްޒު އިންޑިއާ އަށް ކުރެއްވި ރަސްމީ ދަތުރުފުޅުގައި ވެސް ވަނީ މޯދީ ރާއްޖެ ވަޑައިގަތުމަށް ދައުވަތު ދެއްވައިފައެވެ. އެ ދައުވަތު މޯދީ ވަނީ ގަބޫލުފުޅު ކުރައްވަވައިފައެވެ.
މޯދީ ވަނީ ކުރީގެ ރައީސް އިބްރާހީމް މުހައްމަދު ސޯލިހުގެ ވެރިކަމުގައި ދެ ފަހަރަކު ރާއްޖެ ވަޑައިގެންފައެވެ. ފުރަތަމަ ވަޑައިގަތީ ރައީސް ސޯލިހު ވެރިކަމުގެ ހުވާ ކުރެއްވުމަށް ބޭއްވި ރަސްމިއްޔާތުގައި ބައިވެރިވެވަޑައިގަތުމަށެވެ. އަދި އެއަށްފަހު ރަސްމީ ދަތުރުފުޅެއްގައި ވެސް މޯދީ ރާއްޖެ ވަޑައިގަތެވެ.
ދެ ގައިދީން މަރުވި މައްސަލާގައި ޕޯސްޓްމޯޓަމް ހަދަން ފޮނުވައިފި 
ސިއްހީ ދާއިރާއިން އެންމެ ނުފޫޒުގަދަ 100 ޝަހުސިއްޔަތުގެ ތެރޭގައި ރައީސް 
މާލޭގެ އިރުމައްޗާއި އުތުރު ފަރާތުގެ ތޮށިގަނޑު މަރާމާތުކޮށް ހަދަނީ 
އިންތިހާބުގައި ވާދަކުރާ ކެންޑިޑޭޓުންގެ ނަން ތަރުތީބުކޮށްފި 
ސައުދާ އަށް އާޒިމް: ރައްޔިތުންގެ އިތުބާރަކީ ކުޅޭކުޅޭ އެއްޗަކަށް ނުހަދާ 
ޓެރަރިޒަމް ގާނޫނަށް ކުޑޫ ހުށަހެޅުއްވި އިސްލާހު ބަލައިގެންފި 
