މި މަހުގެ 18 ވަނަ ދުވަހު ހ. މިޓާޒްގޭގެ ފުރާޅު މައްޗަށް ހައްވާ ޔުމްނުގެ ވެއްޓުނު މައްސަލަ ތަހުގީގު ކުރުމަށް ރައީސުލްޖުމްހޫރިއްޔާ އުފެއްދެވި ކޮމިޝަންގެ އަމާޒަކީ ފުލުހުންގެ ތަހުގީގު ފުރިހަމަ ކުރެއްވުން ކަމަށް އެ ކޮމިޝަންގެ މެމްބަރު ޑރ. މުހައްމަދު މުނައްވަރު ވިދާޅުވެއްޖެއެވެ.
ކޮމިޝަންގެ މަސައްކަތް ފަށާފައިވާކަން ބުނެދިނުމަށް ރައީސް އޮފީހުގައި ބޭއްވި ޕްރެސް ކޮންފަރެންސްގައި މުނައްވަރު ވިދާޅުވީ ކޮމިޝަނުން މަސައްކަތް ކުރަނީ މުއައްސަސާތަކަށް ހުރަސް އަޅައި، ކުރިންކޮށްފައިވާ މަސައްކަތްތައް ޑުބްލިކޭޓް ކުރުމަށް ނޫން ކަމަށެވެ.
"އަޅުގަނޑުމެން އެއްބަސްވެފައި މި ވަނީ ތަހުގީގު ކުރުމުގެ ހުނަރު ހުރި ރަސްމީ ފަރާތަކީ ދިވެހިރާއްޖޭގެ ފުލުހުންގެ ހިދުމަތޭ. އެހެންވީމަ އެ ބޭފުޅުން ކުރާ ތަހުގީގު އަޅުގަނޑުމެން ފުރިހަމަކުރެވޭތޯއޭ ބަލާނީ،" މުނައްވަރު ވިދާޅުވިއެވެ.
ރައީސްގެ ގަރާރަކުން ރިޔާސީ ކޮމިޝަން އުފެއްދެވީ މިދިޔަ ހޯމަ ދުވަހުއެވެ.
ތިން މެންބަރުންނާ އެކު، އުފެއްދެވި އެ ކޮމިޝަނަށް ބަދަލު ގެނެސް، މިހާރު އެ ކޮމިޝަންގައި ތިއްބަވަނީ ފަސް މެންބަރުންނެވެ.
- ޑޮކްޓަރ މުޙައްމަދު މުނައްވަރު، ގ. ހަސަންކާރިގެ
- ބްރިގޭޑިއަރ ޖެނެރަލް ރިޓަޔަޑް އަޙްމަދު މުޙައްމަދު، ވ. އަލްމާން
- ޑޮކްޓަރ މޫސާ މުރާދު، ދަފުތަރު ނަންބަރު ރސ 641
- ޖަބީން މުޙައްމަދު، ތ. ވޭމަންޑޫ، މޫނިމާގެ
- އާމިނަތު އީނާސް، ހ. ހަބަރުގެ
ޒަރޫރީ މުދާ އެތެރެކުރުމަށް އިންޑިއާއިން ރެކޯޑް މިންވަރެއްގެ ކޯޓާއެއް 
ވަކިން ގޯއްޗަށް އެދުމުގެ ފުރުސަތު ހުޅުވާލައިފި 
ރައީސް ކަމަށް ކުރިމަތިލެވޭ އުމުރު ބަދަލުކުރުމުގެ ވިސްނުމެއް ނެތް 
ބިންވެރިޔާ އިން ލިބުނު ގޯތި ދޫކޮށްލުމުން ފްލެޓަށް އެދެވޭ ގޮތް ހަދަނީ 
އިންޑިއާގެ ތެޔޮ ކުންފުނިތަކަށް ގެއްލުން ކުޑަކުރަން ޑިއުޓީ ކުޑަކޮށްފި 
ސާފުނުކުރާ ތެޔޮ ފީފާއެއްގެ އަގު 116 ޑޮލަރަށް އަރައިފި 
