އޯޓިޒަމް ހުންނަ ކޮންމެ ކުއްޖަކަށް ލޯބި ދިނުމަކީ ގައުމީ ވާޖިބެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
ރައީސް މުއިއްޒު އެކްސްގައި ކުރެއްވި ޕޯސްޓެއްގައި މިއަދު ވިދާޅުވީ ކޮންމެ ދިވެހި ދަރިޔަކީ ގައުމަށް މުހިންމު އަގުހުރި ދަރިއެއް ކަމަށެވެ. އޯޓިޒަމް ތަހައްމަލުކުރާ ކޮންމެ ކުއްޖަކީވެސް ގައުމަށް މަންފާ ކޮށްދޭނެ އެތައް ހުނަރެއް ހުރި މޮޅު ކުދީންކަން ރައީސުލްޖުމްހޫރިއްޔާގެ ޕޯސްޓުގައި ފާހަގަކުރައްވާފައިވެއެވެ.
އަދި އެ ކުދީންނަށް އަޅައިލުމާއި ލޯބިދިނުމަކީ ގައުމީ ވާޖިބެއް ކަމުގައި އެ މަނިކުފާނު ވިދާޅުވިއެވެ.
ދުނިޔޭގެ އޯޓިޒަމް ދުވަސް ފާހަގަކުރަނީ ކޮންމެ އަހަރެއްގެވެސް އޭޕްރީލް މަހުގެ 2 ވަނަ ދުވަހުއެވެ. މި ދުވަހަކީ އޯޓިޒަމްއާ ބެހޭ ގޮތުން ހޭލުންތެރިކަން އިތުރުކުރުމަށާއި، އޯޓިޒަމް ހުންނަ މީހުންނަށް ދިމާވާ ގޮންޖެހުންތަކަށް އަލިއަޅުވާލުމަށް ފާހަގަކުރާ ދުވަހެކެވެ.
ދެހާސް ފަންސަވީސް ވަނަ އަހަރުގެ އޯޓިޒަމް ދުވަހުގެ ޝިއާރަކީ "ތަފާތުކަމަކީ ހަމަހަމަކަމެވެ: އޯޓިޒަމް ހުންނަ މީހުންނަށް ހިތްހަމަޖެހޭ މާހައުލެއް ގާއިމުކުރުން" އެވެ. މި ޝިއާރުން އަލިއަޅުވާލަނީ އޯޓިޒަމް ހުންނަ މީހުންގެ ތަފާތުކަން ގަބޫލުކޮށް، އެމީހުންނަށް މުޖުތަމައުގައި ފުރިހަމައަށް ބައިވެރިވެވޭނެ މާހައުލެއް ގާއިމުކުރުމުގެ މުހިންމު ކަމަށެވެ.
ޒަރޫރީ މުދާ އެތެރެކުރުމަށް އިންޑިއާއިން ރެކޯޑް މިންވަރެއްގެ ކޯޓާއެއް 
ވަކިން ގޯއްޗަށް އެދުމުގެ ފުރުސަތު ހުޅުވާލައިފި 
ރައީސް ކަމަށް ކުރިމަތިލެވޭ އުމުރު ބަދަލުކުރުމުގެ ވިސްނުމެއް ނެތް 
ބިންވެރިޔާ އިން ލިބުނު ގޯތި ދޫކޮށްލުމުން ފްލެޓަށް އެދެވޭ ގޮތް ހަދަނީ 
އިންޑިއާގެ ތެޔޮ ކުންފުނިތަކަށް ގެއްލުން ކުޑަކުރަން ޑިއުޓީ ކުޑަކޮށްފި 
ސާފުނުކުރާ ތެޔޮ ފީފާއެއްގެ އަގު 116 ޑޮލަރަށް އަރައިފި 
