ޕާކިސްތާނުގެ ވިޔަފާރީގެ މަރުކަޒީރަށް ކަރާޗީގެ މަގުތަކުގެ އަމާންކަން ގެއްލި، ކުށްކުރުން އާއްމުވެއްޖެއެވެ.
ޕާކިސްތާން ފުލުހުންގެ ތަފާސްހިސާބުތަކާ ހަވާލާދީ އެގައުމުގެ ނޫސްތަކުން ބުނާ ގޮތުގައި މިއަހަރުގެ ފުރަތަމަ ދެ މަސްދުވަހު ކަރާޗީގެ މަގުތަކުގައި ހިނގި ކުށްތަކުގެ އަދަދު 10 ހާހަށްވުރެ މައްޗަށް އަރައެވެ. އެގޮތުން ފޭރުމުގެ ހާދިސާތަކުގައި 12 މީހަކު މަރާލައި، 41 މީހަކަށް ވަނީ އަނިޔާވެފައެވެ. ވަގަށް ނަގައިގެން ރިޕޯޓްކޮށްފައިވާ ފޯނުތަކުގެ އަދަދު 2806 އަށް އަރާއިރު، ސައިކަލުގެ އަދަދު އުޅެނީ 7244 ގައެވެ. އަދި 306 ކާރު ފުރަތަމަ 2 މަސްދުވަހު ކަރާޗީގެ މަގުތަކުން ވަގަށް ނަގައިގެން ރިޕޯޓްކޮށްފައިވެއެވެ.
މިއީ ދުވާލެއްގެ މައްޗަށް ބަލާއިރު ފޯނު ފޭރުމުގެ ނުވަތަ ވަގަށް ނެގުމުގެ 48 ހާދިސާއެވެ. އަދި 125 ސައިކަލު އެވްރެޖްކޮށް ކޮންމެ ދުވަހަކު ވަގަށް އެބަނަގައެވެ.
ކަންބޮޑުވާ މިންވަރެއްގައި އަދަދުތައް ހުރިނަމަވެސް، މިއީ މިދިޔަ އަހަރުގެ ފުރަތަމަ 2 މަސް ދުވަހާއި އަޅާބަލާއިރު އަދަދުގެ ގޮތުން 28 އިންސައްތައިގެ ދަށްވުމެއްކަމަށް ކަރާޗީގެ އޮފިޝަލުން ބުނެއެވެ. އެހެންނަމަވެސް އާއްމުންގެ ކަންބޮޑުވުން ދަނީ ދުވަހެއް ދުވަހަކަށް އިތުރުވަމުންނެވެ.
ބޭރުގެ އިންޖިނިއަރެއް ގެންނަން ބުނި އަމީނީމަގު ހެދުމަށް އެމްޓީސީސީއަށް 
އިސްލާމީ މަރުކަޒުގެ އިމާމުކަމުން ޝެއިހް އިބްރާހީމް ވަކިވެވަޑައިގެންފި 
އަލަށް އިންތިހާބުވި ކައުންސިލާއެކު ތަރައްގީގެ އާ ބާބެއް ފެށިގެންދާނެ 
އެމްޑީޕީ ހިންގުމަށް ހެޔޮ ބަދަލު ގެނައުމަށް ކޮމެޓީއެއް 
އިންޑިއާ-ރާއްޖެ: އިގްތިސާދީ ގުޅުން ބަދަހިކުރުމުގެ ބައްދަލުވުމެއް 
މާފަންނުގައި ހުރި ގެއެއްގައި ރޯވި އަލިފާންގަނޑު ނިއްވާލައިފި 
