މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑް (މިފްކޯ) ގެ ސީއީއޯގެ މަގާމުގައި ހުންނެވި ޑރ. ވިޓާލީ ލިއުބިމޮވް މަގާމުން ވަކިކޮށްފިއެވެ.

ޕްރައިވަޓައިޒޭޝަން އެންޑް ކޯޕަރައިޓައިޒޭޝަން (ޕީސީބީ) އިން މިރޭ ބުނީ އޭނާ މަގާމުން ވަކި ކޮށްފައި ވަނީ މިއަދު ކަމަށެވެ. މަގާމުން ވަކިކުރި ސަބަބެއް ހާމައެއް ނުކުރެއެވެ.

ވިޓާލީ މިފްކޯގެ ސީއީއޯގެ މަގާމަށް އައްޔަން ކުރީ މިދިޔަ އަހަރުގެ ޑިސެމްބަރު މަހުގެ 9ވަނަ ދުވަހުއެވެ. އޭނާ އެ މަގާމަށް އައްޔަން ކުރީ ކުރިން އެ މަގާމުގައި ހުންނެވި ސަމާހް މަގާމުން ވަކި ކުރުމަށްފަހުއެވެ.