އިދިކޮޅު އެމްޑީޕީގެ 12 މެންބަރަކު ސޮއި ކުރައްވަވާ ރައްޔިތުންގެ މަޖިލީހަށް ހުށަހަޅާފައިވާ ހޯމް މިނިސްޓަރު އަލީ އިހުސާންގެ އިތުބާރު ނެތް ކަމުގެ މައްސަލާގައި، އެމަނިކުފާނުގެ އިތުބާރު ނެތް ކަމަކަށް ފާހެއް ނުވިއެވެ.
އެ މައްސަލާގައި އިހުސާނަށް ޖަވާބުދާރީވުމަށް ވެސް ފުރުސަތު ދިނެވެ. މިއަދުގެ މަޖިލިސް ޖަލްސާގައި އިހުސާން ވަނީ މަޖިލީހަށް ވަޑައިގެން މައްސަލަ އަށް ޖަވާބުދާރީވެފައެވެ.
މިއީ ރައީސް ޑރ. މުހައްމަދު މުއިއްޒުގެ ވަޒީރުންގެ މަޖިލީހުގެ މެމްބަރެއްގެ މައްޗަށް އިތުބާރު ނެތް ކަމުގެ މައްސަލައެއް ހުށަހެޅި ފުރަތަމަ ފަހަރެވެ. ނަމަވެސް މިއަދު ބޭއްވި ޖަލްސާގައި އިހުސާންގެ އިތުބާރު ނެތް ކަމަކަށް ފާހެއް ނުވިއެވެ.
މަޖިލިސް ޖަލްސާގައި ނެގި ވޯޓުގައި އިހުސާންގެ އިތުބާރު ނެތް ކަމަށް ވޯޓު ދިނީ 11 މެންބަރެކެވެ. އިތުބާރު އޮތް ކަމަށް 75 މެންބަރުން ވޯޓު ދެއްވިއެވެ.
އިހުސާންގެ އިތުބާރު ނެތް ކަމުގެ މައްސަލަ ހުށަހެޅީ ބްލެކްލިސްޓް ކޮށްފައިވާ މެލޭޝިޔާގެ ބެސްޓިނެޓް ކުންފުންޏާއެކު ރާއްޖޭގެ އެކްސްޕެޓް ސިސްޓަމް ހަދަން އެއްބަސްވެފައިވާ މައްސަލަ ފާހަގަ ކޮށްފައިވެއެވެ. މީގެއިތުރުން ވެސް ފުލުހުންނަށް ސިޔާސީ ނުފޫޒު ފޯރުވުން ވެސް ހިމެނެއެވެ.
އެސްޓީއޯ ކޮންސްޓްރަކްޝަންސް ސޮލިއުޝަންސްގެ ރޯދަ ސޭލް ފަށައިފި 
އެމްޑީޕީ ކައުންސިލް އިންތިހާބުގެ ކެމްޕެއިން ލޯންޗު ކުރުން އަންނަ މަހު 
މާލޭގެ ކެންޑިޑޭޓުންނާއެކު ޕީއެންސީގެ "ދޮރުންދޮރަށް" ފަށައިފި 
ސަރުކާރުން ހަދިޔާކުރާ މަސްދަޅު ކޭސްތައް ހޮނިހިރު ދުވަހު ބަހަން ފަށަނީ 
ރޯދަމަހު ސްކޫލުތަކުގައި ކިޔަވާ ދޭނީ ފުރަތަމަ ހަފްތާގައި އެކަނި 
އަންރުވާ އިމާރާތް ބިމާ ހަމަކުރުން، ދިވެހި ސަރުކާރުން ކުށްވެރިކޮށްފި 