މޯލްޑިވްސް މެރިން ރިސާޗް އިންސްޓްޓިއުޓް (އެމްއެމްއާރްއައި)ގައި 40 އަހަރު ހިދުމަތް ކުރެއްވި ހަސަން ޝަކީލް ނިޔާވެއްޖެއެވެ.

އޭނާ ނިޔާވުމާއި ގުޅިގެން ރައީސް ޑރ. މުހައްމަދު މުއިއްޒު ވަނީ ތައުޒިޔާ ދަންނަވައިފައެވެ. ރައީސް ވިދާޅުވީ މަސްވެރިކަމާއި، ކަނޑުތަކާ ބެހޭ ދިރާސާތައް ކުރެއްވުމުގައި ދައުލަތުގެ ކަމާ ބެހޭ އިދާރާތަކުގައި 40 އަހަރަށް ވުރެ ދިގު މުއްދަތަކަށް ހިދުމަތް ކުރައްވައިފައިވާ، ޝަކީލް އަވަހާރަވުމަކީ، އެ ދާއިރާއިން ގައުމަށް ލިބުނު ފޫނުބެއްދޭނެ އުނި ކަމެއް ކަމަށެވެ.

ޝަކީލަކީ، މަސައްކަތް ކުރެއްވުމުގައި ހީވާގި، ހިތްވަރުފުޅު ގަދަ ބޭފުޅެއް ކަމަށް ރައީސްގެ މެސެޖުގައި ވިދާޅުވިއެވެ.

އެމަނިކުފާނު ވިދާޅުވީ ޝަކީލް އަވަހާރަވި އިރު، ހުންނެވީ މެރިން ރިސާޗް އިންސްޓިޓިއުޓްގެ ޑެޕިއުޓީ ޑިރެކްޓަރު ޖެނެރަލްގެ މަގާމުގައި ގައުމީ ހިދުމަތުގައި ކަމަށެވެ.

އޭނާ އަކީ މެރިން ރިސާޗް އިންސްޓިޓިއުޓު ކުރިއެރުވުމަށް ގިނަ މަސައްކަތްތަކެއް ކުރެއްވި ބޭފުޅެއް ކަމަށް އެ އިންސްޓްޓިއުޓުން ބުންޏެވެ.