އަވަށްޓެރި އިންޑިއާގެ 2025-2026ގެ ބަޖެޓުގައި ރާއްޖެއަށް ދޭ އެހީ 69 މިލިއަން ޑޮލަރަށް އިތުރު ކުރުމަށް ނިންމައިފިއެވެ.
މިއީ މިދިޔަ އަހަރަށް ރާއްޖެއަށް ކަނޑައެޅި އަދަދަށްވުރެ އިތުރު އަދަދެކެވެ. 2024-2025 ގެ ބަޖެޓުގައި ރާއްޖެއަށް ކަނޑައަޅާފައިވަނީ 54 މިލިއަން ޑޮލަރެވެ.
އެކި ގައުމުތަކަށް ދޭ އެހީގެ ގޮތުގައި މިއަހަރުގެ ބަޖެޓުގައި އިންޑިއާ އިން ވަނީ 250 މިލިއަން ޑޮލަރު ކަނޑައަޅައިފައެވެ. މީގެތެރެއިން އެންމެ ބޮޑު އެހީއެއް ދޭން ނިންމާފައި ވަނީ ނޭޕާލަށެވެ. އެއީ 80 މިލިއަން ޑޮލަރުގެ އެހީއެކެވެ.
ރާއްޖެއަކީ އިންޑިއާ އިން އެންމެ ބޮޑު އެހީއެއް ދޭން ނިންމާފައިވާ ދެވަނަ ގައުމެވެ.
ރައީސް މުއިއްޒު ވެރިކަމަށް ވަޑައިގެންނެވިއިރު އިންޑިއާއާއެކު މި ސަރުކާރުގެ ގުޅުން މާ ބޮޑަށް ރަނގަޅެއް ނޫނެވެ. ނަމަވެސް މިއަދު ދެގައުމުގެ ގުޅުން ވަނީ ވަރަށް ބޮޑަށް ރަނގަޅުވެފައެވެ. އަދި ރައީސް މުއިއްޒު ވެސް ވަނީ މިދިޔަ އަހަރު އެގައުމަށް ވަޑައިގެން އެގައުމުގެ އިސްވެރިންނާ ބައްދަލުކުރައްވައިފައެވެ.
މީގެއިތުރުން ދެގައުމުގެ ރައްޔިތުންނަށް ފައިދާވާނެ ކަންކަމާއި ގުޅޭ ގޮތުން އެ ދަތުރުފުޅުގައި މަޝްވަރާވެސް ކުރެވުނެވެ. ދާދިފަހުން ފޮރިން މިނިސްޓަރު ހަލީލް ވެސް އިންޑިއާ އަށް ވަނީ ވަޑައިގެންފައެވެ.
ލިވަޕޫލުގެ ރަސްމީ ޓޫރިސްޓު މަންޒިލުގެ ޕާޓްނަރަކަށް ރާއްޖެ 
ގާނޫނީ އިމުގެ ތެރެއިން ބާރުގެ ބޭނުންކުރުމަށް އިލްތިމާސްކޮށްފި 
މޯލްޑިވްސް އިންޓަނޭޝަނަލް ފައިނޭންޝަލް ސާވިސް ފިނޭންސްގެ ދަށަށް 
ޕީސީބީގެ ރައީސަކަށް އަނަސް އައްޔަން ކުރައްވައިފި 
ސުޕްރީމް ކޯޓު ހިންގޭނެ ގޮތެއް ހަދަން އިބްރާ ހުށަހެޅި މައްސަލަ ނުބެލި 
ޕީއެންސީގެ ހިންގުން ފަލާހުއާ ހަވާލުކުރި ވާހަކަ އެސްޖީ ދޮގުކޮށްފި 
