ގއ. ނިލަންދޫ އާއި އެ އަތޮޅު ދާންދޫ އަށް ރޯދަ ހަދިޔާ ބަރުކޮށްގެން ދަތުރުކުރި ދޯނި ފަރަށް އަރައިފިއެވެ.

މައުލޫމާތު ލިބިފައިވާ ގޮތުގައި މި ދޯންޏަކީ ކުރިޔަށް އޮތް ރޯދަމަހު ނިލަންދޫ އާއި ދާންދޫގެ މީހުން ދިރިއުޅޭ ހުރިހާ ގެއަކަށް، ލިއޯ ޓްރޭޑިންގެ ޗެއާމަންގެ ފަރާތުން ހަދިޔާ ކުރާ ކާޑު ބަރުކޮށްގެން ދަތުރުކުރި ދޯންޏެކެވެ.

މި ދޯނީގައި 1070 ކާޑުގެ ބާވަތްތައް ހުރި ކަމަށްވެއެވެ. މާލެ އިން މުދާ ބަރުކޮށްގެން ދިޔަ ލިއޯ ވިންގު ނަމަކަށް ކިޔާ މި ދޯނި ފަރަށް އެރީ އެކެފަރު ފަރަށެވެ.

އެ ދޯނި ފުން ކުރުމުގެ މަސައްކަތް މިހާރު އަންނަނީ ކުރަމުންނެވެ. އެ ދޯނިން ގިނަ އަދަދެއްގެ ކާޑުގެ ބާވަތްތައް މޫދަށް ވެސް ވަނީ ވެއްޓިފައެވެ.