ހުޅުމާލެގެ ދެވަނަ ފިޔަވަހީގައި އިމާރާތް ކޮށްފައިވާ ހިޔާ ޓަވަރުތަކުގެ ތެރެއިން ތިންވަނަ ޓަވަރުން މީހަކު ވެއްޓިއްޖެއެވެ.

ފުލުހުން ބުނީ ހިޔާ ފްލެޓުން މީހަކު ވެއްޓިގެން އެ އިދާރާ އަށް ރިޕޯޓު ކޮށްފައިވާ ކަމަށެވެ. އެ މީހާ އަށް ހުޅުމާލެ ހޮސްޕިޓަލުގައި ފަރުވާ ދެމުން އަންނަ ކަމަށްވެސް ބުންޏެވެ.

ބައެއް މީޑިއާތަކުގައި ހޮސްޕިޓަލާއި ހަވާލާދީ ރިޕޯޓު ކޮށްފައިވާ ގޮތުގައި ވެއްޓުނު މީހާގެ ހާލު ސީރިއަސްއެއް ނޫނެވެ. އޭނާގެ ހާލަތު ރަނގަޅު ކަމަށްވެއެވެ.

ދާދިފަހަކުން ހިޔާ ފްލެޓަކުން 16 އަހަރުގެ ކުއްޖަކު ވެއްޓި ވަނީ މަރުވެސްވެފައެވެ.