ރާއްޖެ އެތެރެކުރި ގިނަ އަދަދެއްގެ ސިނގިރޭޓް ބޮންޑެޑް ވެއާހައުސްއެއްގައި ރައްކާކޮށްފައި ހުއްޓާ އެތަކެތި ގެއްލުނު މައްސަލާގައި އެތަކެތީގެ ވެރިފަރާތް 40 މިލިއަން ރުފިޔާއަށްވުރެ ބޮޑު އަދަދަކުން ޖޫރިމަނާކޮށްފިއެވެ.
ބޮންޑެޑް ވެއާހައުސް އިން ގެއްލިފައި ވަނީ ގާތްގަނޑަކަށް 34،500 ކާޓޫނުގެ ސިނގިރޭޓެވެ. އެކަމާއި ގުޅިގެން ހާދިސާއާ ގުޅިގެން ހޯމް މިނިސްޓަރު އަލީ އިހުސާން ވިދާޅުވީ ކަސްޓަމްސް ޑިއުޓީ އާއި ޖޫރިމަނާ ވެސް ހިމަނައިގެން ޖުމްލަ 40 މިލިއަން ރުފިޔާ ދެއްކުމަށް އެ ތަކެތީގެ ވެރިފަރާތަށް އަންގާފައިވާނެ ކަމަށެވެ.
ވެރި ފަރާތަށް އެ އަދަދަށް ފައިސާ ދެއްކުމަށް އެންގީ ކަސްޓަމްސް އަށް ނާންގާ ބޮންޑެޑް ވެއާ ހައުސް އިން މުދާ ނެރުމަކީ މަނާ ކަމަކަށް ވާތީ ކަމަށްވެސް މިނިސްޓަރު ވިދާޅުވިއެވެ.
އަމިއްލަ ގޭގޭގައި ހަދާފައި ހުންނަ ބޮންޑެޑް ވެއާ ހައުސްތަކުގައި ދެ ތަޅެއް ހަރު ކޮށްފައި ހުރެއެވެ. އޭގެތެރެއިން އެއް ތަޅަކީ ކަސްޓަމްސްގެ ތަޅެކެވެ. އެހެންކަމުން އެ ތަން ހުޅުވޭނީ ކަސްޓަމްސްގެ ހާޒިރުގައެވެ.
އެހެންކަމުން މިނިސްޓަރު އިހުސާން ވަނީ ކަސްޓަމްސް އަށް ނާންގާ އެ ތަނަށް ވަދެވުނު ގޮތެއް ބެލުމަށް ފުލުހުންނަށް ހުށަހަޅާފައިވާ ކަމަށް ވެސް ވިދާޅުވެފައެވެ.
އެ މައްސަލަ ފެންމަތިވުމާއެކު މިނިސްޓަރު ވަނީ އަމިއްލަ މީހުންގެ ގޭގޭގައި ކަސްޓަމްސްގެ ބޮންޑެޑް ވެއާހައުސްތައް ހިންގުން މަނާ ކުރަން ނިންމިކަން އިއުލާން ކުރައްވައިފައެވެ.
ޝިޔާމްގެ މައްޗަށް ކުށް ސާބިތުނުވެ ސަލާމަތްވުމުން ޕީޖީން ހައި ކޯޓަށް 
ފައިސާ އާއި ރަނާއެކު ޗައިނާ ބަޔަކު ކޮންގޯއިން ހައްޔަރުކޮށްފި 
ހަތިޔާރު އުފެއްދުމުގައި ސައޫދީ އާއި އިންޑިއާ ގުޅިގެން މަސައްކުރަނީ 
އެއާޕޯޓުގައި ޓެކްސީއެއް އެކްސިޑެންޓުވެ، ދެ މީހަކަށް އަނިޔާވެއްޖެ 
ގަލޮޅު އިހްސާން ފިހާރަ ހިންގާ އިމާރާތުގައި ރޯވެއްޖެ 
ވައިޑް-ބޮޑީގެ އިތުރު ބޯޓެއް އޮކްޓޫބަރު މަހު ގެންނަނީ 
