ދަނޑުވެރިކަން ތަރައްގީކުރަން ސަރުކާރުން އުފައްދާފައިވާ އެގްރޯ ނެޓް ކުންފުނީގެ ބޭންކް އެކައުންޓްތައް ހިފަހައްޓަން ސިވިލް ކޯޓުން އަމުރުކޮށްފި އެވެ.

އެގްރޯނެޓް ކުންފުނީގެ ބޭންކް އެކައުންޓްތައް ހިފަހައްޓަން ކޯޓުން އަމުރު ކޮށްފައިވާކަން އެ ކުންފުނީގެ އޮފިޝަލަކު ކަށަވަރުކޮށް ދިނެވެ. އެގޮތަށް ކޯޓުން އަމުރުކުރީ މިދިޔަ އާދިއްތަ ދުވަހު އެވެ.

އެނގިފައިވާ ގޮތުގައި ބޭންކް އެކައުންޓްތައް ކޯޓުން ހިފަހައްޓަން އެންގީ އެ ކުންފުނިން 2022 ވަނަ އަހަރު ވަކިކުރި މުވައްޒަފަކަށް ދޭންޖެހޭ 500,000ރ. ނުދީ އޮތުމުންނެވެ.

ހުކުމާ އެއްގޮތަށް ފައިސާ ނުދައްކާނަމަ ބޭންކް އެކައުންޓް ފްރީޒްކުރުން ފަދަ ފިޔަވަޅުތައް އެޅުމުގެ ބާރު އޮވެއެވެ.