ރާއްޖޭގެ އެކި ހިސާބުތަކަށް މޫސުން ގޯސްވާނެ ކަމަށް ލަފާކޮށްފިއެވެ.

މެޓް އޮފީހުން މިއަދު ވަނީ ވައިގަދަވާނެ ކަމަށް ލަފާކޮށް އުތުރަށާއި މެދުރާއްޖޭގެ ރަށްތަކަށް ވައިޓް އެލާޓު ނެރެފައެވެ. ގަޑިއަކު 25-30 މޭލަށް ވައި ގަދަވާނެ ކަމަށް ލަފާކޮށްފައިވެއެވެ. ނަމަވެސް ވިލާގަނޑުގައި 50 މޭލަށް ވައިގަދަ ވާނެ ކަމަށް ވެސް ވަނީ ލަފާ ކޮށްފައެވެ.

ރީނދޫ އެލާޓު ނެރެފައި ވަނީ ހއ. އަތޮޅުން ފެށިގެން ވ. އަތޮޅުގެ ރަށްތަކާއި ހަމައަށެވެ.

ދެކުނުގެ އަތޮޅުތަކަށް ވިއްސާރަވެސް ކުރާނެ ކަމަށް ލަފާކޮށްފައިވެއެވެ. ވައިޓް އެލާޓު ނެރެފައި ވަނީ މ. އަތޮޅުން ފެށިގެން އައްޑޫއާ ހަމައަށެވެ.

މެޓުން ވަނީ މި ހަަފްތާގައި މޫސުން ގޯސްވާނެ ކަމަށް މީގެކުރިން ބުނެފައެވެ. އަދި މޫސުމަށް ސަމާލުކަން ދިނުމަށް އިލްތިމާސްކުރިއެވެ.