މޫސުމާ ބެހޭ ގައުމީ އިދާރާ (މެޓް އޮފީސް)ގެ ޑޮޕްލާ ވެދާ ރާޑަރަށް ދިމާވި މައްސަލަ މިއަދު ހައްލުކޮށްފިއެވެ.
މެޓް އޮފީހުން މިއަދު ބުނީ ޑޮޕްލާ ވެދާ ރާޑަރަށް ދިމާވި ޓެކްނިކަލް މައްސަލަ ހައްލު ނުކުރެވި ގިނަ ދުވަސްތަކެއްވުމަށް ފަހު، މަރާމާތުކޮށް މިއަދު އަލުން ބޭނުން ކުރަން ފަށާފައިވާ ކަމަށެވެ. އެ ޑޮޕްލާ ވެދާ ރާޑަރަކީ ދުނިޔޭގެ ކުރިއަރާފައިވާ އެހެން ގައުމުތަކުގައި ވެސް މޫސުން ލަފާކުރާ ގޮތް ބެލުމަށް ބޭނުން ކުރާ ފަދަ އެންމެ ފަހުގެ ޓެކްނޮލޮޖީ އެކުލެވޭ ރާޑަރެކެވެ.
މެޓް އޮފީހުން ބުނީ އެ ރާޑަރުން ހުޅުމާލެ އިން ފެށިގެން ގާތްގަނޑަކަށް 250 ކިލޯމީޓަރުގެ ރޭޑިއަސްގެ ތެރޭގައި ހިނގާ މޫސުމާ ބެހޭ މައުލޫމާތު ވަގުތުން ވަގުތަށް ދެނެގަނެވޭ ކަމަށެވެ. އަދި މި ރާޑަރުގެ އެހީގައި ވާރޭ ވެހެމުންދާ ސަރަހައްދުތަކާއި ވާރޭ ވެހޭ ބޯމިނާއި ވާރޭ ވެހޭ ވިލާ ދަތުރު ކުރަމުން މިސްރާބާއި ބާރު މިން ވެސް ދެނެގަނެވޭ ކަމަށެވެ.
މީގެ އިތުރުން ވިލާގަނޑު ވަކި ސަރަހައްދަކަށް ލައްވާލާނެ ކަމަށް އަންދާޒާ ކުރެވޭ ވަގުތު ވެސް ޑޮޕްލާ ވެދާ ރާޑަރުން ދެނެގަނެވެއެވެ. ހަމަމިއާ އެކި ފަށަތަކުގައި ވައިގެ މައުލޫމާތު ވެސް މި ރާޑަރު މެދުވެރިކޮށް ހޯދެއެވެ.
ވިޔަފާރިވެރިންނަށް ފުރައްސާރަ ކުރުން ޑިމޮކްރެޓުން ކުށްވެރިކޮށްފި 
ނޫސްވެރިންގެ ކަންބޮޑުވުންތަކަށް ހައްލު ހޯދަން މަސައްކަތް ކުރާނަން 
އައިޓެކް ޕްރޮގްރާމުގައި ރައީސް އޮފީހާއި މަޖިލިސް އިދާރާގެ މުވައްޒަފުން 
އާ ސިޔާސީ ޕާޓީއެއް އުފެއްދުމުގެ ހުއްދަ ދީފި 
ރައްޔިތުންނަށް ފައިދާއެއް ވާން ނޭދޭ ސިޔާސީ ވެރިން ދާނީ ފެންނަމުން 
އުމުރުން 15 އަހަރުން ދަށުގެ ކުދިންގެ ފޯނުތައް ފުލުހުން ބެލުން މަނާ 
