މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ ކޮންމެ މުވައްޒަފަކަށް ބޯނަހުގެ ގޮތުގައި 25،000 ރުފިޔާ ދިނުމަށް އެކުންފުނިން ނިންމައިފިއެވެ.
އެމްއޭސީއެލްގައި ހަތަރުހާހަށް ވުރެ ގިނަ މުވައްޒަފުން މަސައްކަތް ކުރެއެވެ. އެހެންކަމުން ބޯނަހުގެ ގޮތުގައި މުޅި ޖުމްލަ 100 މިލިއަނަށްވުރެ ގިނަ ރުފިޔާ ހަރަދުވާނެ ކަމަށް ބެލެވެއެވެ.
ދެހާސް ބާވީސްވަނަ އަހަރަށްވުރެ 2023ވަނަ އަހަރު އެމްއޭސީއެލް އަށް ލިބުނު ފައިދާ 20 ޕަސެންޓު ވަނީ އިތުރުވެފައެވެ. އެގޮތުން މިދިޔަ އަހަރު އެކުންފުންޏަށް 1.1 ބިލިއަން ރުފިޔާ ލިބިފައިވެއެވެ.
ރާއްޖޭގެ އިގްތިސޯދީ ހާލަތު ހުރި ގޮތުން ހަރަދު ކުޑަ ކުރުމަށް ސަރުކާރުން ނިންމި ނިންމުމަށް ތާއީދުކޮށް އެމްއޭސީއެލް އިން ވަނީ ހަރަދު ކުރުމަށްޓަކައި ފިޔަވަޅުތަކެއް އަޅަން ނިންމާފައެވެ. ނަމަވެސް އެއްވެސް މުވައްޒަފެއްގެ މުސާރަ އިން އެއްވެސް ބައެއް އުނި ނުކުރާނެ ކަމަށާއި އެއްވެސް މުވައްޒަފަކު ވެސް ވަކި ނުކުރާނެ ކަމަށް އެކުންފުނިން މީގެކުރިން ބުނެފައިވެއެވެ.
ނަޝީދު އަލީއަށް ތާއިދުކޮށް، ހަރުގޭގައި ދެ މިނެޓްގެ ވާހަކަކޮޅެއް 
ގުޅިފަޅު ކައިރިން މަރުވެފައި އޮތް ބިދޭސީއަކު ފެނިއްޖެ 
ކޮރަޕްޝަނާ ދެކޮޅު ޒަރިޔަންދު، ޔާމީންގެ ޕާޓީގެ ޓިކެޓުގައި މޭޔަރު ކަމަށް 
ލިލީ އިން އަނެއްކާ ވެސް އޮލިމްޕަހަށް 
މީދާ މަދުކުރުމުގެ ހަރަކާތް ލޯކަލް މާރުކޭޓް ސަރަހައްދުން ފަށައިފި 
ދޯންޏެއްގައި އެކަނި ދަނިކޮށް ދިޔަވެ އަޑިއަށް، ސަލާމަތް ކުރީ ފުލުހުން 
