ހުސްވެފައިވާ ޕްރޮސެކިއުޓާ ޖެނަރަލް (ޕީޖީ)ގެ މަގާމަށް ރައީސް އޮފީހުގެ ސްޓޭޓް މިނިސްޓަރު ފެންވަރު މަގާމެއްގައި ހުންނެވި ޢައްބާސް ޝަރީފު އެ މަގާމަށް އައްޔަން ކުރަން މަޖިލީހުގެ މިއަދުގެ ޖަލްސާގައި ފާސްކޮށްފިއެވެ.
މިއަދު ބޭއްވި ދައުރުން ބޭރުގެ ޖަލްސާގައި ނެގި ވޯޓުގައި އައްބާސް ޕީޖީގެ މަގާމަށް އައްޔަން ކުރަން ނެގި ވޯޓުގައި އެ މަގާމަށް އައްބާސް އައްޔަން ކުރަން ފާސްކުރީ 85 މެންބަރުންގެ އިއްތިފާގުންނެވެ.
ހ. ޔެލޯ ރޯސް، އައްބާސް ޝަރީފު މިހާރު ހުންނެވީ ރައީސް އޮފީހުގެ ސެކްރެޓެރީ ޓު ދަ ޕްރެޒިޑެންޓް އޮން ލީގަލް އެންޑް ޕާލަމެންޓްރީ އެފެއާޒްގެ މަގާމުގައެވެ. އޭނާއަކީ ހައި ކޯޓުގެ ފަނޑިޔާރުކަން ވެސް ކުރެއްވި ބޭފުޅެކެވެ.
ޕީޖީގެ މަގާމަށް އައްބާސްއާ އެކު، ހަ ބޭފުޅަކު ކުރިމަތިލެއްވިއެވެ. ނަމަވެސް ރައީސް މަޖިލީހަށް ހުށަހެޅުއްވީ އައްބާސްގެ ނަންފުޅު އެކަންޏެވެ. އައްބާސްގެ ނަން ކޮމެޓީން ދިރާސާކޮށް ނިންމައި، މަޖިލީހުގެ ތަޅުމަށް ހުށަހެޅުމުން ވޯޓަށް އަހާނީ އައްބާސްގެ ނަމަށް އެކަންޏެވެ.
އިއްޔެ ބޭއްވި ޖުޑީޝަރީ ކޮމެޓީގައި މެންބަރުން ކުރެއްވި ސުވާލުތަކަށް ޖަވާބު ދެއްވަމުން އައްބާސް ވަނީ ކަންކަން ނިންމުމުގައި އެއްވެސް މީހެއްގެ މޫނަކަށް ނުބަލާނެ ކަމަށާއި، އަބަދުވެސް ބަލާނީ ހުށަހެޅިފައިވާ މައްސަލަ އަށް ކަމަށް ވިދާޅުވެފައެވެ.
މާރާމާރީ ހިންގުމަށްފަހު ފިލައިގެން އުޅުނު ބަޔަކު ހައްޔަރުކޮށްފި 
މުހިއްމު ހުރިހާ ކަމެއްގައި ރާއްޖޭގެ ބަސް އިއްވާނަން: ރައީސް 
އާންމު މަޖިލީހުގެ 79ވަނަ ސެޝަންގައި ބައިވެރިވުމަށް ރައީސް އެމެރިކާއަށް 
މެންބަރު ޝުޖާއު ހުޅުމާލެ އިން ބިމެއް ގަނެފި 
ކުޅުދުއްފުށީ ފަޅުތެރޭ މަރުވެފައި އޮއްވާ ފެނުނު މީހާ މިއަދު ވަޅުލަނީ 
ބަންކަރިންގެ ހިދުމަތް ފަށައިގަނެވުމަކީ ރާއްޖެއަށް ލިބުނު ކުރިއެރުމެއް 
