ބައިނަލްއަގްވާމީ ޑިމޮކްރަސީ ދުވަސް މިއަދު ފާހަގަކުރަމުންދާއިރު، ދިވެހިރާއްޖެއިން މިއަދު ފެންނަނީ ޑިމޮކްރަޓިކް ހަމަތަކާއި އުސޫލުތަކާއި ދުރަށް ދާތަން ކަމަށް މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ރައީސް އަބްދުﷲ ޝާހިދު ވިދާޅުވެއްޖެއެވެ.

އެކްސް ގައި ކުރެއްވި ޕޯސްޓެއްގައި ޝާހިދު ވިދާޅުވީ ޑިމޮކްރެޓިކް ހަމަތަކާއި ތަރައްގީ ވަނީ ގުޅިލާމެހިފައި ކަމަށެވެ. އަދި ދިވެހިރާއްޖޭގައި ޑިމޮކްރަސީގައި ހޯދުމުގެ ކާމިޔާބީތަކާއި ދުރަށް ނުދިޔުމަށް ގަދައަޅައި މަސައްކަތްކުރަން ޖެހޭނެކަމަށާއި، ޚިޔާލުފާޅުކުރުމާއި، އެއްވެއުޅުމުގެ މިނިވަންކަމާއި، އިންސާނީ ހައްގުތަކާއި ގާނޫނުގެ ވެރިކަން ނެގެހެއްޓުމަށް މަސައްކަތްކުރަން ޖެހޭނެ ކަމަށް ޝާހިދު ވިދާޅުވިއެވެ.

ދުވަހުގެ މުނާސަބަތުގައި އެމްޑީޕީގެ ޗެއާޕާސަން ފައްޔާޒު އިސްމާއިލް ކުރެއްވި ޓްވީޓެއްގައި ވިދާޅުވީ ރާއްޖެއަށް ގެނެސްފައިވާ ޑިމޮކްރަސީއަކީ ވަރަށް ދިގު ޒަމާންތަކެއް ވަންދެން ކުރި ބުރަ މަސައްކަތުގެ ނަތީޖާ ކަމަށާއި ޑިމޮކްރަސީގެ އެ ދަތުރު އަދި ނުނިމޭ ކަމަށެވެ. ރައީސް ޑރ. މުހައްމަދު މުއިއްޒުގެ ސަރުކާރުން ޑިމޮކްރަސީއާ ދުރަށް ދާކަމަށް އިޝާރާތްކޮށް، ފައްޔާޒު ވިދާޅުވީ އަނެއްކާވެސް ރާއްޖެ މި އޮތީ ޑިމޮކްރެޓިކް ހަމަތަކާ ފެއަށް ޖެހުމުގެ މަގުމަތީގައި ކަމަށެވެ.