ވަޅިން ބިރު ދައްކައި އަންހެނަކު ރަހީނު ކުރުމުން، ބާރުގެ ބޭނުންކުރުމުގެ ތެރޭގައި ޒަހަމްވި ށ. މިލަންދޫ، ހެޕީލޭންޑް، އާދަމް އަތުހަރު، 32، ދޫނިދޫ ޖަލުގައި ދަންޖެހުނު ވީޑިއޯ އޭނާގެ އާއިލާއަށާއި ނޫސްވެރިންނަށް މިރޭ ދައްކައިފިއެވެ.
ދޫނިދޫ ކުޑަ ކޮޅިއެއްގައި އަހުތަރު ދަންޖެހުނު ވީޑިއޯއަކީ އޭނާ ހުރި ގޮޅީގައި ހަރުކޮށްފައި ހުރި ސީސީޓީވީ ކެމެރާއަކުން ނަގާފައިވާ ފޫޓޭޖެކެވެ. އާއިލާ އާއި ނޫސްވެރިންނަށް އެ ވީޑިއޯ މިރޭ ދެއްކީ ވަކިވަކިންނެވެ. އިސްކަންދަރު ބިލްޑިންގައި ނޫސްވެރިންނަށް އެ ވީޑިއޯ ދެއްކުމުގެ ކުރިން، އެންމެ ފުރަތަމަ ދެއްކީ އަތުހަރުގެ އާއިލާއަށެވެ.
ވީޑިއޯއިން ފާހަގަ ކުރެވޭ ކަންކަން:
- މިއީ 36 މިނެޓުގެ ވީޑިއޯއެއް
- އޭނާ ސަލާމަތް ކުރުމަށް ފުލުހުން ގޮޅިއަށް ވަނީ ދަންޖެހުނުތާ 30 މިނެޓްފަހުން
- ވާގަނޑު ކަނޑާލުމަށްފަހު ސަލާމަތް ކުރުމަށްފަހު، ސީޕީއާރް ދީފައެއް ނުވޭ
- ދަންޖެހުމުގެ މަސައްކަތް ފެށީ އިރުއޮއްސި 6:32ގައި (އާދިއްތަ ދުވަސް)
- ހަރަކާތް ހުއްޓުނީ 6:39ގައި
- ސަލާމަތް ކުރުމަށް ފުލުހުން ގޮޅިއަށް ވަނީ 7:02ގައި
- ސްޓެޗަރގައި ގޮޅިން ނެރުނީ 7:05ގައި
ނޫސްވެރިންނަށް އެ ވީޑިއޯ ދެއްކި ބައްދަލުވުމަށް ކެމެރާއެއް، ފޯނެއް އަދި އިލެކްޓްރޯނިކް އެއްވެސް އާލާތެއް ނުވެއްދުނެވެ. އަދި ދަންޖެހުނު ވީޑިއޯ ނޫސްވެރިންނަށް ދެއްކުމަށްފަހު، ނޫސްވެރިންނާއި މިނިސްޓަރު އިހްސާނާ ދެމެދު ދެކެވުނު ވާހަކަތައް ރެކޯޑުކޮށް، ވީޑިއޯ ކުރުމުގެ ފުުރުސަތު ވެސް ދީފައެއް ނުވެއެވެ.
އަތުހަރުގެ މަރާ ގުޅިގެން ފުލުހުން ޕްރެސް ކޮންފަރެންސެއް ފަހުން ބާއްވަން ފުލުހުން މިރޭ ވަނީ އެއްބަސްވެފައެވެ.
އަތުހަރު ދަންޖެހުނު ވީޑިއޯ ދެއްކި ބައްދަލުވުމަށް 30އަށް ވުރެ، ގިނަ މީޑިއާކުން ނޫސްވެރިންނާއި ފޮޓޯގްރާފަރުންނާއި ވީޑިއޯ ގްރާފަރުން އިސްކަންދަރު ބިލްޑިންއަށް ދިޔައެވެ.
ވިޔަފާރިވެރިންނަށް ފުރައްސާރަ ކުރުން ޑިމޮކްރެޓުން ކުށްވެރިކޮށްފި 
ނޫސްވެރިންގެ ކަންބޮޑުވުންތަކަށް ހައްލު ހޯދަން މަސައްކަތް ކުރާނަން 
އައިޓެކް ޕްރޮގްރާމުގައި ރައީސް އޮފީހާއި މަޖިލިސް އިދާރާގެ މުވައްޒަފުން 
އާ ސިޔާސީ ޕާޓީއެއް އުފެއްދުމުގެ ހުއްދަ ދީފި 
ރައްޔިތުންނަށް ފައިދާއެއް ވާން ނޭދޭ ސިޔާސީ ވެރިން ދާނީ ފެންނަމުން 
އުމުރުން 15 އަހަރުން ދަށުގެ ކުދިންގެ ފޯނުތައް ފުލުހުން ބެލުން މަނާ 
