ހެލްތު މިނިސްޓަރު ހަލީލް ހުޅުމާލެއިން ތިން މިލިއަން ރުފިޔާއަށް ވުރެ އަގުބޮޑު ފްލެޓެއް ބައްލަވައިގެންފި އެވެ.

ހަލީލް ބައްލަވައިގަތީ 3.1 މިލިއަން ރުފިޔާއަށް ހުޅުމާލޭގެ އެފްޑަބްލިއު ރެސިޑެންސްގެ ފްލެޓެކެވެ. އެއީ 1,235 އަކަފޫޓްގެ ފްލެޓެކެވެ.

ސިވިލް ކޯޓުން މި މަހުގެ ހަތް ވަނަ ދުވަހު ކުރި ހުކުމުގައިވަނީ ހަލީލް އެއްކޮށް ދައްކަވާފައިވާތީ އެ ފްލެޓް އޭނާ އަށް މިލްކު ވެފައިވާ ކަމަށެވެ.

ކުރީގެ ޖެންޑާ މިނިސްޓްރީގެ ސްޓޭޓް މިނިސްޓަރު އައިމިނަތު ޒިފްލީނާ ވެސް ދާދިފަހުން ވަނީ ހުޅުމާލެއިން ފްލެޓެއް ބައްލަވައިގެންފަ އެވެ. އޭނާ ވެސް ބައްލަވައިގަތީ އެފްޑަބްލިއު ރެސިޑެންސްގެ ފްލެޓެކެވެ.