މާލެ އާއި އަތޮޅުތެރޭގެ އެމްޑީޕީ ދާއިރާތަކުގެ ބައި-އިލެކްޝަންގެ ވޯޓުލުން މިއަދު މެންދުރުފަހު ފަށައިފިއެވެ.

މާލެ ދާއިރާގެ ވާދަވެރިކަން ބޮޑުވެފައިވާ އިންތިހާބުގެ ވޯޓުލުން ކުރިއަށް ގެންދަނީ ތާޖުއްދީން ސްކޫލުގައެވެ.

އެމްޑީޕީ މާލެ ދާއިރާގެ ރައީސް ކަމަށް ވާދަ ކުރައްވަނީ މާލޭގެ މޭޔަރު އާދަމް އާޒިމާއި މާފަންނު ހުޅަނގު ދާއިރާގެ ކުރީގެ މެންބަރު މުހައްމަދު ފަލާހެވެ. އެންމެ ވާދަވެރިކަން ބޮޑުވެފައި ވަނީ މި ދެ ކެންޑިޑޭޓުންގެ މެދުގައެވެ. މާލެ ދާއިރާގެ ރައީސް ކަމަށް މާލޭގެ ހުރިހާ އެމްޑީޕީ މެމްބަރުންނަށް ވޯޓުލެވޭނެއެވެ.

މާލޭގައި ވޯޓުލުން ކުރިއަށްދަނީ ތާޖުއްދީން ސްކޫލާއި ހިރިޔާ ސްކޫލުގައެވެ.

ވޯޓުލުން ކުރިއަށްދާނީ މިއަދު މެންދުރުފަހު 2:00 އިން މިރޭ 9:00އަށެވެ.

ބައި-އިލެކްޝަން ބާއްވާ ދާއިރާތައް:

  1. އިހަވްނަދޫ ދާއިރާ
  2. ދިއްދޫ ދާއިރާ
  3. ކެލާ ދާއިރާ
  4. ތުޅާދޫ ދާއިރާ
  5. ހުރާ ދާއިރާ
  6. ދަނގެތި ދާއިރާ
  7. ފަރެސްމާތޮޑާ ދާއިރާ
  8. މެދު ހެންވޭރު ދާއިރާ
  9. ހެންވޭރު ދެކުނު ދާއިރާ
  10. ހެންވޭރު އުތުރު ދާއިރާ
  11. ހެންވޭރު ހުޅަނގު ދާއިރާ
  12. ގަލޮޅު ދެކުނު ދާއިރާ
  13. މައްޗަންގޮޅި ދެކުނު ދާއިރާ
  14. މައްޗަންގޮޅި މެދު ދާއިރާ
  15. މާފަންނު އުތުރު ދާއިރާ
  16. މާފަންނު ހުޅަނގު ދާއިރާ
  17. މާފަންނު މެދު ދާއިރާ
  18. މާފަންނު ދެކުނު ދާއިރާ