ސޮފްޓްވެއާ އަޕްގްރޭޑް ކުރުމަށް ހަމަޖެހިފައި ވާތީ އެސްޓީއޯގެ ފާމަސީތަކުގެ ހިދުމަތް މާދަމާ ކެނޑޭނެ ކަމަށް އެ ކުންފުނިން ބުނެފިއެވެ.

އެސްޓީއޯ އިން ބުނީ އެ ކުންފުނީހެ ބޭސް ފިހާރަތަކުގައި ބޭނުންކުރާ ސޮފްޓްވެއާ އަށް ބަދަލުތަކެއް ގެންނަން ޖެހޭތީ އެ ތަންތަނުގެ ހިދުމަތް މާދަމާ މެދުކެނޑޭނެ ކަމަށެވެ. އެކުންފުނިން ބުނީ ފާމަސީތަކުގެ ސޮފްޓުވެއާ އަޕްގްރޭޑް ކުރަނީ އެ ހިދުމަތް އިތުރަށް ފުޅާކުރުމަށްޓަކައި ކަމަށެވެ.

އެހެންނަމަވެސް ކުއްލި ހާލަތްތަކުގައި ބޭސް ލިބޭނެ އިންތިޒާމު ހަމަޖައްސާނެ ކަމަށް ސަރުކާރުގެ އެންމެ ބޮޑު ވިޔަފާރި ކުންފުނިން ބުންޏެވެ.

އެސްޓީއޯ އަކީ ރާއްޖޭގައި އެންމެ ގިނަ ފާމިސާތައް ހިންގަމުން އަންނަ ކުންފުންޏެވެ. އެކުންފުނީގެ ފާމަސީތައް ރާއްޖޭގެ އެކި ސަރަހައްދުތަކުގައި އަންނަނީ ހިންގަމުންނެވެ.