ރައްޔިތުންގެ މަޖިލީހުގެ ރައީސްކަމުގެ މަގާމަށް ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލާއި މަޖިލީހުގެ ނައިބަކަށް އަހުމަދު ދީދީގެ ނަން، އެމްޑީޕީ ޕާލަމެންޓްރީ ގްރޫޕުން ހުށަހަޅައިފިއެވެ.

މަޖިލީހުގެ ރައީސާއި ނައިބު ރައީސް ހޮވުމަށް މިއަދު ހެނދުނު 10:15ގައި ބޭއްވި މަޖިލީހުގެ ޖަލްސާގައި ނާޒިލާއި ދީދީގެ ނަން އެމްޑީޕީގެ ފަރާތުން ހުށަހެޅުއްވީ ވައިކަރަދޫ ދާއިރާގެ މެމްބަރު ހުސައިން ޒައީދު (ޒިޔައްޓޭ) އެވެ.

ޕީއެންސީން ހުށަހެޅީ މަޖިލީހުގެ ރައީސް ކަމަށް ފޮނަދޫ ދާއިރާގެ މެމްބަރު އަބްދުއްރަހީމާއި ނައިބަކަށް ދިއްގަރު ދާއިރާގެ މެމްބަރު އަހުމަދު ނާޒިމެވެ. މަޖިލީހުގެ ރައީސް ކަމަށް އަބްދުއްރަހީމްގެ ނަން ހުށަހެޅުއްވީ ނާޒިމެވެ. އަދި ނާޒިމްގެ ނަން މަޖިލީހުގެ ނައިބަކަށް ހުށަހެޅުއްވީ އަބްދުއްރަހީމެވެ.

ފޮނަދޫ ދާއިރާގެ މެމްބަރު އަބްދުއްރަހީމް-- ފޮޓޯ/ މަޖިލިސް

މަޖިލީހުގެ ރައީސާއި ނައިބު ރައީސް ހޮވުމުގެ ސިއްރު ވޯޓު ނެގުމުގެ މަސައްކަތް މިހާރު ދަނީ ކުރަމުންނެވެ.