ގަދަ ވަޔާއެކު ބޯކޮށް ވާރޭ ވެހޭނެ ކަމަށް ލަފާކޮށް ގިނަ އަތޮޅުތަކަކަށް އޮރެންޖު އެލާޓު ނެރެފިއެވެ.

މޫސުމާއި ބެހޭ ގައުމީ އިދާރާ (މެޓް) އިން މިއަދު ބުނީ މާލެ ސިޓީ އަދި ކުޅުދުއްފުށި ސިޓީ ހިމެނޭހެން 12 އަތޮޅަކަށް ގަދަވަޔާއެކު ބޯކޮށް ވާރޭ ވެހޭނެ ކަމަށެވެ.

އެލާޓު ނެރެފައި ވަނީ ހއ. އަތޮޅުގެ ރަށްތަކުން ވ. އަތޮޅުގެ ރަށްތަކާއި ހަމައަށެވެ. އެލާޓު ނެރުނީ 19:15 އިން މިރޭ 23:15އާ ހަމައަށެވެ.

މެޓުން ބުނީ ވިލާގަނޑުގައި ގަޑިއަކު 60 މޭލަށް ވައިގަދަވެ ކަނޑުތައް ވަރަށް ގަދަ ވާނެ ކަމަށް ލަފާ ކުރެވޭ ކަމަށެވެ.