ތިލަފުށިން ފުރައިގެން މ. އަތޮޅުގެ ރިސޯޓަކަށް ތިން މީހުންނާއެކު ދަތުރު ކުރަމުން ދިޔަ ދޯންޏެއްގެ ހަބަރެއް ނުވެގެން ހޯދަން ފަށައިފިއެވެ.

އެ ދޯނި ދަތުރު ކުރަމުން ދިޔައީ މެދުފުށި އައިލެންޑު ރިސޯޓަށެވެ. “AAA-37” ނަމަކަށް ކިޔާ އެ ދޯނީގައި ތިން މީހުން ތިބި ކަމަށާއި އެ ދޯނި ތިލަފުށިން ފުރީ އިއްޔެ ހެނދުނު 6:00 ހާއިރު ކަމަށް އެމްއެންޑީއެފް އިން މިއަދު ބުންޏެވެ.

ދޯނީގެ ހަބަރެއް ނުވެގެން ކޯސްޓްގާޑަށް ރިޕޯޓު ލިބުނީ އިއްޔެ ހަވީރު 5:20 ގައި ކަމަށާއި އެ ދޯނި ހޯދުމުގެ މަސައްކަތުގައި އެމްއެންޑީއެފް ކޯސްޓްގާޑް ޝިޕް ޝަހީދު އަލީ ހަރަކާތްތެރިވަމުން އަންނަ ކަމަށް ވެސް ބުންޏެވެ.

އަދި އެ ދޯނި ހޯދުމުގެ މަސައްކަތް މޯލްޑިވިއަންގެ ފްލައިޓެއްގެ އެހީގައި ވެސް ކުރަމުން އަންނަ ކަމަށް ބުންޏެވެ.