ކުރީގެ ރައީސް ޔާމީން އިސްވެ ހުންނަވާ އުފެއްދި ސިޔާސީ ޕާޓީ، ޕީއެންއެފް ރަޖިސްޓްރީ ކުރުމާއެކު، އެޕާޓީގެ ފުރަތަމަ ސެނެޓު ބާއްވައިފިއެވެ.

އެޕާޓީގައި އިސްކޮށް އުޅުއްވާ މަލީހް ޖަމާލް އެކްސްގައި ވިދާޅުވީ ޕީއެންއެފްގެ ތާރީހީ ފުރަތަމަ ސެނޭޓް ބައްދަލުން މިއަދު ބާއްވާފައިވާ ކަމަށެވެ.

އަސާސީ ގަވާއިދުގައިވާ 4 ކޮމިޓީއަކަށް ބޭފުޅުން އިންތިޚާބުކުރެވުނު ކަމަށާއި އޭގެތެރޭގައި ސުލޫކީ ކޮމެޓީ އާއި އިސްތިއުނާފު ކޮމެޓީ އާއި އީސީ އަދި މެމްބަރު އެފްއާޒް ކޮމިޓީ ހިމެނޭ ކަމަށް ވިދާޅުވިއެވެ.

"ސެނޭޓްގެ ރުހުމާއި އެކު ރިޔާސަތު ބަލަހައްޓަވާ ދެއްވީ ރައީސް ޔާމީން" މަލީހް ވިދާޅުވިއެވެ.

ޕީއެންއެފް އުފެއްދުމުގެ ޖަލްސާ ބޭއްވީ މިމަހުގެ 10ވަނަ ދުވަހު ރާޅުގަނޑު ސަރަހައްދުގައެވެ.

އެ ޖަލްސާގައި 329 ގިނަ މެންބަރުން ބައިވެރިވިއެވެ. ޖަލްސާގެ ހާޒިރީ ބެލީ އިލެކްޝަންސް ކޮމިޝަނުންނެވެ.

އަދި އެ ޖަލްސާގައި ޕީއެންއެފްގެ ވަގުތީ ރައީސަކަށް ޕާޓީގެ މުއައްސިސް އަދި ޔާމީންގެ ދަރިކަލުން ޒެއިން ވަނީ އިންތިހާބު ކުރައްވައިފައެވެ.