މިދިޔަ އެމްޑީޕީ ސަރުކާރުގެ ފޮރިން މިނިސްޓަރު އަދި މިހާރު އެމްޑީޕީގެ ރައީސް ކަމުގެ މަގާމުގައި ހުންނެވި ޝާހިދުގެ ބައްޕާފުޅު ޝައިހް މޫސާ ޖަމީލް އަވަހާރަވެއްޖެއެވެ.

އެކްސްގައި ކުރެއްވި ޕޯސްޓެއްގައި ޝާހިދު މިއަދު ވިދާޅުވީ ބައްޕާފުޅު އަވަހާރަވީ މިއަދު ހެނދުނުގެ ވަގުތެއްގައި ކަމަށެވެ. ބައްޕާފުޅާ ގުޅޭ ގޮތުން ޝާހިދު ވިދާޅުވީ ބައްޕާފުޅަކީ އޭނާގެ އެޑްވައިޒަރު ކަމަށެވެ. އަދި ބައްޕާފުޅަކީ އޭނާގެ އެންމެ ބޮޑު ފާޑުކިޔުންތެރިޔާ ކަމަށް ވެސް ވިދާޅުވިއެވެ.

ޝާހިދުގެ ޝަހުސިއްޔަތު ބައްޓަންކުރައްވައި، އޭނާގެ ކެރިއަރަށް އިރުޝާދު ދެއްވައި، އަޅުއްވާ ކޮންމެ ފިޔަވަޅެއްގައިވެސް ނަސޭހަތްދެއްވި ކަމަށް ވިދާޅުވިއެވެ.

ޝާހިދުގެ ބައްޕާފުޅުގެ ކަށުނަމާދު ކުރުން އޮތީ އަސްރު ނަމާދަށް ފަހުއެވެ. އަދި ވަޅުފުޅުލުން އޮތީ ގަލޮޅު ސަހަރާގައެވެ.