ހުޅުމާލޭގެ ބޮޑު ސަރަހައްދެއް އާބަންކޯ އިން ސާފުކޮށްފިއެވެ. މިއީ އާބަންކޯގެ މެނޭޖިން ޑިރެކްޓަރު ފަޒުލް ރަޝީދުގެ އިރުޝާދުގެ ދަށުން އެ ކުންފުނީގެ މުވައްޒަފުން ކުރިޔަށް ގެންދިޔަ ހަރަކާތެކެވެ.
މި ހަރަކާތަކީ 30 ނޮވެމްބަރު އިން ފެށިގެން ކުރިއަށް ގެންދިޔަ ސާފުކުރުމުގެ ހަރަކާތެކެވެ. އާބަންކޯ އިން ބުނީ ހުޅުމާލޭގެ އެކި ސަރަހައްދުތަކުން ގިނަ އަދަދެއްގެ ކުނި ނަގައި ސާފުކުރެވިފައިވާ ކަމަށެވެ.
އެގޮތުން ހުޅުމާލެ ފޭސް 1، ފޭސް 2 އަދި ހިޔާ ސަރަހައްދުން މުޅި ޖުމްލަ 60 ޓަނުގެ ކުނި ވަނީ އެއްކުރެވިފައިވާ ކަމަށް ބުންޏެވެ.
ބޮޑު އާބާދީއެއް ދިރިއުޅޭ ހުޅުމާލެ ސާފުތާހިރު އަދި ހިތްފަސޭހަ ތަނެއްގެ ގޮތުގައި ދެމެހެއްޓުމަށް އާބަންކޯއިން ދަނީ ގިނަ މަސައްކަތްކަތެއް ކުރަމުންނެވެ.
އަދި ހުޅުމާލޭގެ އެކި ސަރަހައްދުތައް ސާފުކޮށް ކުނި ނައްތާލުމުގެ މަސައްކަތް މީގެ ކުރިންވެސް ތަކުރާރުކޮށް ކުރިއަށް ގެންގޮސްފައި ވެއެވެ.
މިގޮތުން މަދިރި މަދުކުރުމަށް ދާދި ފަހުން ކުރިއަށް ގެންދިޔަ 'ޑެންގީ އިޖާބަ' ކެންޕެއިން ގައި ވެސް ހުޅުމާލޭގެ އެކި ސަރަހައްދުތައް ސާފުކޮށް، މަދިރި އާލާވުން މަދުކުރުމަށް ގިނަ މަސައްކަތްތަކެއް ކުރެވިފައި ވެއެވެ.
އާބަންކޯގެ އަމާޒަކި ހުޅުމާލެއަކީ ސާފްތާހިރު ތަނެއްގެ ގޮތުގައި ދެމެހެއްޓުން ކަމަށާއި އެހެންކަމުން އެ އަމާޒަށް ވާސިލްވުމަށް ވަކިވަކި ފަރުދުންވެސް އެބައެއްގެ ފަރުދީ ޒިންމާ އަދާކޮށް، ކުނި ޖަމާކުރަން ކަނޑައެޅިފައިވާ ސަރަހައްދުތަކަށް ކުނި ޖަމާކުރުމަށާއި، ރައްކާތެރި ގޮތުގައި ކުނި ނައްތާލުމަށް ހާއްސަ ސަމާލުކަމެއް ދިނުމަށް އެ ކޯޕަރޭޝަނުން ވަނީ އެދިފައެވެ.
ތިނަދޫއަކީ ޖަހާ ކޮންމެ ބެރަކަށް ހެއްލޭނެ ރަށެއް ނޫން: އިބޫ 
ކައުންސިލް އިންތިހާބާއެކު ހިޔާލު ހޯދުމުގެ ވޯޓު ނަގަނީ 
އިލެކްޝަނަށް ރިފްއަތު އައްޔަންކުރަން ފެންނަ ކަމަށް ކޮމެޓީން ނިންމައިފި 
ހުޅަނގު އައްސޭރީގެ ބިންތަކާ ގުޅޭ ނިންމުން ރާއްޖޭން ކުށްވެރިކޮށްފި 
ގައުމު އަތުވާނީ ދެފުށް ފެންނަ ނިޒާމަކުން އިދާރާތައް ހިންގައިގެން 
ކުރިޔަށް އޮތް ފަސް ދުވަހު ވެސް ވައި ނުސާފު ވާނެ: މެޓް 
