އިޒްރޭލުން ފަލަސްތީނަށް ދެމެންދާ ހަމަލާތަކާއި ދެކޮޅަށް އަޑު އުފުލުމުގެ ގޮތުންނާއި ފަލަސްތީނުގެ ރައްޔިތުންނާ އެކު ދިވެހިން ތިބިކަން އަންގައިދޭން އަންނަ ހުކުރު ދުވަހު ހަވީރު މުޅި ރާއްޖޭގައި ހަރަކާތެއް ބާއްވާ ގޮތަށް ނިންމާނެއެވެ.

އެ ހަރަކާތް ހުކުރު ދުވަހު ހަވީރު މާލެ އާއި ރަށްރަށުގައި ބޭއްވުމަށް ވަނީ ނިންމައިފައެވެ.

އެގޮތުން ހުކުރު ދުވަހު ހަވީރު މާލޭގައި ސައިކަލު ބުރެއް ބާއްވާން ނިންމާފައިވާއިރު، ސައިކަލު ބުރު ފަށާނީ އެ ދުވަހު ހަވީރު ހަތަރެއް ޖަހާއިރު ރަސްފަންނު ސަރަހައްދުންނެވެ.

ރާއްޖޭގެ އެންޖީއޯއެއް ކަމަށްވާ އިންޓަނޭޝަނަލް އެއިޑް ކެމްޕެއިން (އައިއޭއިސީ) އިން ވަނީ ފަލަސްތީނުގެ ރައްޔިތުންނަށް ކުއްލި އެހީތެރިކަން ފޯރުކޮށް ދިނުމަށް ބޭނުންވާ ފައިސާ ހޯދަން ފަންޑެއްވެސް ވަނީ ހުޅުވާލާފައެވެ.